Shpricha 4:4 - Pennsylvania Dutch Bible

⁴ hott mei daett mich gland un hott ksawt, “Nemm hohld funn mei vadda mitt deim gans hatz; hald mei gebodda un du zaylsht layva.

Shpricha 4:4 交叉參考

Shpricha 3:1

Mei kind, fagess nett vass ich dich gland habb, un hald mei gebodda in deim hatz.

Johannes 12:50

Un ich vays es sei gebott ayvich layva is. So vass ich sawk is yusht vass da Faddah miah ksawt hott.”

Shpricha 7:2

Hald mei gebodda un du zaylsht layva, heet vass ich dich lann es vi da abbel funn deim awk.

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

2. Timotheus 3:15

Un evvah siddah es du en glay kind voahsht, hosht du di Heilich Shrift gvist, dee vo diah veisheit gevva kann zu di saylichkeit deich da glawva in Christus Jesus.

Epheser 6:4

Un diah feddah, shtaddet eiyah kinnah nett uf so es si in da zann kumma, avvah zeeyet si uf in di adning un famohning fumm Hah.

5. Mosi 6:6

Dee vadda es ich eich gebb heit sellet diah in eiyah hatza nemma.

Hebräer 5:9

Un vo eah folkumma gmacht voah, is eah di uahsach vadda funn ayvichi saylichkeit, zu awl selli es eem heicha.

Jesoiya 55:3

Machet eiyah oahra uf, un kummet zu miah, heichet mich ab, so es eiyah sayl laybt. Ich mach en ayvich bund mitt eich; ich gebb eich di shtandhaftich leevi es ich fashprocha habb zumm Dawfit.

2. Timotheus 1:5

Ich meind aw noch da shtandhaftich glawva es in diah is. Deah vo seahsht in dei grohs-mammi, di Lois, un in dei maemm di Eunice voah, un ich binn shuah es aw in diah is.

Shpricha 22:6

Lann en kind vi eah gay soll, un vann eah moll ald vatt drayt eah nett vekk difunn.

Psalm 119:11

Ich hald dei vatt in meim hatz, so es ich nett sindich geyyich dich.

5. Mosi 4:9

Gevvet yusht acht un heedet eiyah sayl goot, so es diah nett di sacha fagesset es eiyah awwa ksenna henn, so es si nett eiyah hatza falossa eiyah layva lang. Sawwet si zu eiyah kinnah un kinds-kinnah.

1. Mosi 18:19

Ich habb een raus groofa so es eah sei kinnah, un sei haus-halding noch eem lanna dutt fa da vayk fumm Hah halda bei du vass gerecht un goot is. Dess is so es da Hah du kann fa da Abraham vass eah ksawt hott.”

Psalm 119:168

Ich hald dei adnunga un dei gebodda, fa awl mei vayya sinn fannich diah.

Shpricha 23:26

Mei sohn, gebb miah dei hatz, un loss dei awwa sich froiya fa mei vayk halda,

Richtah 13:12

No hott da Manoah een kfrohkt, “Vann dei vadda moll voah kumma, vass muss da boo du; vass fa en layva soll eah fiahra?”

Psalm 119:144

Dei zeiknisa sinn gerecht fa'immah, helf mich fashtay, so es ich layva kann.

Shpricha 3:2

Fa si zayla diah en lang layva, langi yoahra, un fridda bringa.

Jeremia 38:20

Da Jeremia hott ksawt, “Si Zayla dich nett ivvah-drayya. Du vass ich sawk un heich em Hah. No zayld alles goot gay mitt diah, du zaylsht am layva bleiva.