21 Loss si nett vekk kumma funn diah, hald si deef in deim hatz;
Mei kind, hald veisheit un goodah fashtand, loss si nee nett vekk funn dei awwa kumma.
Loss leevi un shtandhaftichkeit dich nett falossa, binn si um dei hals rumm, un shreib si uf's babiah funn deim hatz.
Mei kind, vann du mei vadda ohnemsht, un mei gebodda uf shtoahsht in diah,
Ich froi mich fa dei villa du, oh mei Gott, dei Ksetz is in meim hatz.”
Gevvet yusht acht un heedet eiyah sayl goot, so es diah nett di sacha fagesset es eiyah awwa ksenna henn, so es si nett eiyah hatza falossa eiyah layva lang. Sawwet si zu eiyah kinnah un kinds-kinnah.
Mei kind, fagess nett vass ich dich gland habb, un hald mei gebodda in deim hatz.
Binn iahra lanning immah uf dei hatz, henk si um dei hals rumm.
Bind dee gebodda an dei fingah, un shreib si uf's tablet funn deim hatz.
Fa's zayld leeblich sei vann du dee vadda im sinn haldsht, un si awl grisht haldsht uf dei leftz.
