14 Gay nett uf di pawt funn di gottlohsa, un lawf nett uf em vayk funn evili mensha.
Ksaykend is da mensh es nett im roht funn di gottlohsa lawft, adda uf em vayk funn sindah shtayt, adda im sitz funn shpoddah hokt.
Losset eich nett fafiaht sei, shlechti kshvetzah fadauva en goot layves-lawf.
Mei kind, gay nett mitt eena, hald dei fees aus iahra pawt.
Mei kind, vann sindah dich lokka, gebb nett ei zu eena.
Veah mitt mennah funn veisheit lawft, grikt veisheit, avvah veah rumm gayt mitt di unksheida dutt sich selvaht vay.
Falosset eiyah dummi vayya un greeyet layva, un lawfet im vayk funn eisicht.
Hald dich vekk difunn, un du nett lawfa druff, dray vekk difunn, un gay uf dei vayk.
Hald dich veit vekk funn so en fraw, gay nett nayksht an di deah funn iahra haus,
Eah is di shtrohs nunnah ganga nayksht an's ekk funn iahra haus, un hott da vayk zu iahra haus gnumma,
adda du mechsht sei vayya lanna un dei aykni sayl in en fall greeya.
Fagunn gottlohsi mennah nett, un vinsh nett fa bei eena sei;
