11 Mei kind, dray's nett nunnah vann da Hah dich recht setzt, un sei nett zannich vann eah dich shtrohft fa letz du.
Da mann es gezankt is bei Gott is ksaykend, so fa'acht nett da shtrohf fumm Awlmechticha.
Selli es ich leeb habb doon ich zanka un shtrohfa. So sei fleisich, dray rumm un du boos.
Ksaykend is da mann es du shtrohfsht, oh Hah, un es du lansht fumm deim Ksetz.
Avvah vann miah gricht vadda, no vadda miah kshtrohft bei em Hah, so es miah nett fadamd vadda mitt di veld.
Fasell, veil miah so en deensht henn deich di bamhatzichkeit, dann vatt's uns nett falayt.
Denket an een, deah vo so sacha deich gmacht hott es geyyich een gedu voahra bei sindlichi mensha, so es diah nett matt vaddet un uf gevvet.
Vann du uf gebsht an di zeit funn druvvel, dann bisht du adlich shvach.
Avvah nau is druvvel zu diah kumma, un du hosht moot faloahra, 's hott dich gedroffa, un du hosht angsht.
Visset dann in eiyah hatz es da Hah eiyah Gott eich recht setzt un shtrohft, grawt vi en mann sei boo land un shtrohft.
