4 Da faul mann dutt nett bloowa im shpoht-yoah, so hott eah nix un muss bedla an di eahn.
Fauli hend macha ebbah oahm, avvah fleisichi hend macha ebbah reich.
Faulheit bringd deefah shlohf, un leit es nett shaffa gayn hungahrich.
En faulah mann vill sach havva un eah grikt nix, avvah di fleisicha greeya vass si vella.
no kumd di oahmoot uf dich vi en rawvah, un du hosht nix, grawt es vi vann du grawbt gvest veahsht.
En faulah mann dutt sei hand in di shissel, avvah eah bringd even's ess-sach nett ruff an sei maul.
Gay zu di ummensa, du faulah mensh, gukk an iahra vayya, un lann!
Vass en mann im sinn hott fa du, is vi ebbes in deef vassah, avvah en fashtendichah mann kann's raus zeeya.
En faulah mensh sei falanga macht een doht, veil eah's nett dutt fa shaffa.
Veah-evvah es voaht uf da recht vind zayld nett blansa, un veah-evvah es voaht uf di rechta volka zayld nett eahnda.
