9 Veah letz gedu vattt un fagebt's, is am sucha fa leevi, avvah veah ohhald shvetza diveyya faliaht sei freind.
Da hass macht shtreit, avvah di leevi dekt awl unsah sinda zu.
Un ovvich alli sacha, haldet en deefi leevi fa nannah, fa di leevi dekt feel sinda zu.
En gottlohsah mensh shtroit shtreit, un aynah es kshvetzah drawkt kumd zvishich leit es freind sinn.
Ksaykend is sellah es sei ivvah-dreddes fagevva grikt hott, sellah es sei sinda zu gedekt grikt hott.
Di leevi is geduldich un bamhatzich; see dutt nett fagunna adda braekka un sich ufblohsa;
sellah soll vissa es deah vo en sindah zrikk bringd funn seim letza vayk, dutt en sayl fumm doht helfa un dekt feel sinda zu.
En shmeahdah mann land may bei aymol gezankt vadda, es vi en dummah dutt bei en hunnaht mohl gegaysheld vadda.
