7 Es shtayt en dummah mann nett goot oh fa grohs shvetza, un noch feel vennichah sett en roolah leeya.
Vann en roolah leeya abheicht, dann zayla awl sei deenah gottlohs sei.
Du heichlah; du seahsht da balka aus deim aykna awk macha, no kansht du bessah sayna fa da shliffah aus deim nochbah sei awk macha.
En shpruch im maul fumm unksheida, is vi en gribbel sei bay es lummahrich henka.
Leftz es di voahret sawwa, bleiva fa'immah, avvah en zung es leekt, shtayt nett lang.
Unni zveifla, Gott dayt selayva nett letz du, da Awlmechtich beekt nee nett vass recht is.
Da Gott funn Israel hott kshvetzt, da Felsa funn Israel hott ksawt zu miah, ‘Vann ebbah ivvah mensha roold in gerechtichkeit, vann eah roold in di furcht funn Gott,
Mach shtill di leftz es leeya, selli es hohchmeedich shvetza geyyich di gerechta mitt grohs-feelichi un shtolsi kshvetzah.
Shtolsi awwa, falshi zunga, hend es unshuldich bloot fageesa,
Da Hah hast meilah es leeya, avvah eah hott frayt mitt di shtandhafticha.
'Sis nett shiklich es en unksheidah reich layva sett, vi feel vennichah sett en gnecht roola ivvah en evvahshtah.
Veisheit is zu deef fa en unksheidah mann, eah macht sei maul nett uf in di fasamling am doah.
Vi shnay im summah, un reyyah in di eahn, so is hohchi eah nett shiklich fa en unksheidah mensh.
