8 Es is bessah fa vennich havva mitt gerechtichkeit, es vi feel havva es uneahlich grikt voah.
'Sis bessah fa bissel havva mitt di furcht fumm Hah, es vi feel geld havva un gedruvveld sei.
Es bissel es di gerechti henn, is bessah es es feel es di gottlohsa henn.
En mann es uneahlich reich vatt, is vi en fokkel es oiyah raus breet unni si layya. In di mitt funn sei layva, falost sei geld een un am end is eah yusht vi en unksheidah.
Soll da Hah di keshtlicha sacha fagessa im gottlohsa haus, es gnumma voahra mitt uneahlichi gvichtah es fadamd sinn?
Vann en mann sei vayya kfellich sinn zumm Hah, dann macht eah even sei feinda in fridda layva mitt eem.
En mann macht aus vass eah du zayld, avvah da Hah fiaht sei shritt.
Avvah en hand-foll roo is bessah es zvay hend-foll eahvet es am broviahra sinn da vind fanga.
Bessah en essa funn goahra sach mitt leevi, es vi en feddah ox mitt hass.
'Sis bessah fa en drukkani grusht broht havva mitt fridda, es vi en haus foll leit am essa mitt shtreit.
'Sis bessah fa en oahmah mann sei es eahlich lawft, es vi en reichah mann sei es uneahlich lawft.
