Shpricha 14:3 - Pennsylvania Dutch Bible

³ Es kshvetz fumm unksheida is en shtekka fa sei shtolsheit shtrohfa, avvah's kshvetz funn selli mitt veisheit hald si aus di kfoah.

Shpricha 14:3 交叉參考

Shpricha 12:6

Di vadda funn di ungettlicha sinn en fall fa bloot fageesa, avvah's maul funn di ufrichticha macht si frei.

Di Offenbarung 12:11

Si sinn een ivvah-kumma deich's bloot fumm Lamm, un deich's vatt funn iahra zeiknis, un si henn iahra layva nett gleebt even biss an da doht.

Di Offenbarung 3:10

Veil du's Vatt funn mei geduld kalda hosht, doon ich dich aw aus di shtund funn fasuchung halda. Dee fasuchung zayld uf di gans veld kumma fa selli ausbroviahra es uf di eaht layva.

2. Petrus 2:18

Si shvetza grohsi vadda es nix mayna, un deich da lusht fumm flaysh zeeya si leit zu sich es yusht so goah vekk kumma voahra funn selli es in sinda layva.

Daniel 7:20

Ich habb aw vissa vella veyyich di zeyya hanna uf seim kobb un veyyich em annah hann es ruff kumma is un hott drei funn di anra falla gmacht. Dess hann hott awwa un en maul katt es gebraekt hott un voah veeshtah es di anra.

Shpricha 28:25

En greedichah mensh shtatt shtreit uf, avvah veah sich uf da Hah falost zayld goot ab sei.

Shpricha 22:8

Veah unrecht sayt, eahnd druvvel, no kumd di root funn seim zann zu en end.

Shpricha 21:24

“Shpoddah” is da nohma fumm shtolsa un grohs-feelicha mann; eah lawft in frechi shtolsheit.

Shpricha 18:6

Em unksheida sei leftz bringa shtreit, un sei maul is am frohwa fa shlayk.

Psalm 57:4

Ich lei mitt mei sayl unnich vildi layb, selli es mensha-kinnah fressa. Iahra zay sinn shpiahs un arrows, un iahra zunga shaufi shvadda.

Psalm 12:3

Da Hah zayld awl gladdi leftz shtobba, un alli zung es braekt,

Hiob 5:21

Du vasht fashtekkeld funn veeshti kshvetzah bei di zung, un brauchsht dich nett feicha vann fadeahvung kumd.

1. Samuel 2:3

Shtobb braekka un shtols sei, loss nett grohsi vadda aus deim maul kumma. Fa da Hah is da Gott es alles vayst, un bei eem vadda di verka gvohwa.

Psalm 31:18

Mach shtill di leftz es leeya, selli es hohchmeedich shvetza geyyich di gerechta mitt grohs-feelichi un shtolsi kshvetzah.

Shpricha 14:4

Vo kenn oxa sinn, datt is da frucht-kashta leah, avvah funn di graft fumm ox kumd en grohsi eahn.

Shpricha 13:3

Veah sei maul heet, hald sei layva aus di kfoah, avvah veah sei kshvetz nett heet, kumd zu nix.

Shpricha 18:7

Em unksheida sei maul bringd een zu nix, sei leftz sinn en fall zu sich selvaht.