4 En goodi fraw is vi en krohn zu iahra mann, avvah ayni es een fashohmd is vi grebs in sei gnocha.
En meind es fridda hott, gebt em leib ksundheit, avvah fagunsht fafauld di gnocha.
Di fraw mitt veisheit baut iahra haus uf, avvah en unksheit veibsmensh fadaubt iahra's bei vass see dutt.
Un doch, im Hah is da mann nix unni's veibsmensh un's veibsmensh is nix unni da mann.
Avvah da mann sett sei kobb nett zu dekka, fa eah is es gleichnis un di hallichkeit funn Gott; un di fraw is di hallichkeit fumm mann.
'Sis bessah fa draus in di vildahnis voona, es es is fa mitt en faglawkti un en zannichi fraw voona.
'Sis bessah fa in en ekk voona drovva uf em dach, es vi im haus voona mitt en zannichi fraw.
Ich habb dess keaht un mei hatz hott geglobt, mei leftz henn geziddaht funn di yacht; mei gnocha sinn faul gedrayt, un mei bay henn kshiddeld. Ich voaht geduldich fa da dawk es dreebsawl uf di leit kumd es geyyich uns shtreida.
Nau, mei dochtah, feich dich nett. Ich du alles fa dich es du frohksht. Fa awl mei leit in di shtatt vissa es du en goot maydel bisht.
Di gedanka es di gerechta henn sinn recht, avvah da roht funn di gottlohsa is fafiahrich.
Sellah es en fraw find, find en goot ding; un eah is em Hah kfellich.
Vi en goldichah ring in en sau iahra shnaut, so is en shayni fraw unni goodah fashtand.
en maydel es nimmand leebt es keiyaht vatt, un en mawt es di fraw iahra blatz nemd es si kshaft hott difoah.
Eah sawkt, “Feel veibsleit sinn goodi veivah, avvah du bisht bessah es si awl.”
