7 Vann da gottlohs mensh shtaubt, dann is sei hofning faloahra, di graft es eah sich falossa hott druff kumd zu nix.
Di hofning funn di gerechta is frayt, avvah di hofning funn di gottlohsa kumd zu nix.
Avvah di awwa funn di gottlohsa gukka unni's fashtay, si kenna nett lohs glost sei; iahra letshti hofning is yusht fa iahra letshtah ohften shnaufa.”
Da gottlohs bringd sei ayknah nunnah-fall bei's evil es eah dutt, avvah even im doht sinn di gerechta gedrohsht.
Vann iahra geisht si falost, dann vadda si viddah eaht, uf sellah dawk drayt alles zu nix es si im sinn henn zu du.
Sawksht du alsnoch, “Ich binn en gott,” fannich selli es dich doht macha? Du bisht yusht en mensh, nett en gott, in di hend funn selli es dich umbringa.
Da gottlohs mann saynd dess un vatt bays, eah beist sei zay zammah un fagayt; da falanga funn di gottlohsa kumd zu nix.
Da gerecht mensh is aus di kfoah kalda funn druvvel, un's kumd uf da gottlohs in seim blatz.
Da vayk fumm Hah is en Roo-Blatz zu di ufrichticha, avvah sei vayk bringd fadauves zu selli es letz doon.
