Shpricha 10:7 - Pennsylvania Dutch Bible

⁷ Es ohdenkes funn di gerechta is en sayya, avvah da nohma funn di gottlohsa vatt glei fagessa.

Shpricha 10:7 交叉參考

Psalm 112:6

Fa eah shtayt immah shtandhaftich; da gerecht mensh vatt nee nett fagessa.

Lukas 1:48

Fa eah hott acht katt fa di daymeedichkeit funn seinra mawt, un heichet, funn nau on zayla di leit mich ksaykend haysa.

Markus 14:9

Voahlich ich sawk eich, vo-evvah es dess Effangaylium gebreddicht vatt in di gans veld, soll ksawt vadda vass see gedu hott, so es leit an see denka.”

Psalm 109:13

Loss sei nohch-kummashaft abkshnidda sei, loss sei kinds-kinnah iahra nohma ausgrivva sei in di zeit vo kumd.

2. Chronik 24:16

Eah voah fagrawva mitt di kaynicha in di shtatt fumm Dawfit, veil eah goodes gedu katt hott in Israel fa Gott un sei tempel.

Psalm 109:15

Loss iahra sinda immah fannich em Hah sei, un loss es ohdenkes funn eena gans fagessa sei uf di eaht.

Hiob 18:17

Sei ohdenkes vatt fagessa uf di eaht, un eah hott kenn nohma im land.

2. Kaynicha 19:34

“Fa ich zayl ivvah dee shtatt vatsha un si frei halda, fa mei sayk un fa di sayk funn mei gnecht da Dawfit!”

1. Kaynicha 11:36

Ich gebb ay shtamm zu seim boo so es mei gnecht da Dawfit immah en licht hott fannich miah in Jerusalem, di shtatt es ich gnumma habb fa mei Nohma nei du.

Breddichah 8:10

Un ich habb di gottlohsa ksenna fagrawva vadda; dess sinn selli es als zrikk un faddi fumm heilicha-blatz ganga sinn un henn hohchi eah grikt, grawt in di shtatt vo si iahra gottlohsi sacha ausgedrawwa henn. Dess is aw leah un unni mayning.

Hiob 27:23

Mennah fashpodda een bei iahra hend zammah shlauwa, un peifa ivvah een vo-evvah es eah anna gayt.”

Jeremia 17:13

Oh Hah, du bisht di hofning funn Israel, awl selli es dich falossa, missa sich shemma. Selli es vekk drayya funn diah, greeya iahra nohma in da shtawb kshrivva, veil si da Hah falossa henn, deah es di shpring funn ayvich vassah is.

2. Chronik 32:33

Da Hiskia hott no kshlohfa mitt sei foah-feddah, un si henn een fagrawva im evvahsht dayl funn di grayvah vo em Dawfit sei nohch-kummashaft is. Gans Juda un di leit funn Jerusalem henn eah gevva zu eem an seim doht. Sei boo da Manasse is no kaynich vadda in seim blatz.

Hiob 24:20

Iahra maemm es si gedrawwa hott fagest si; si vadda kfressa bei di veahm un vadda fagessa, ungettlichkeit vatt fabrocha vi en faulah bohm.

Psalm 34:16

'S ksicht fumm Hah is geyyich selli es evil doon, so es si gans fagessa sinn uf di eaht.

Shpricha 22:1

En goodah nohma is may veaht es feel reichheit, un goodi eah is bessah es silvah un gold.

Jesoiya 14:22

“Ich zayl ufshtay geyyich si,” sawkt da Awlmechtich Hah. “Un ich zayl Babylon abshneida funn iahra nohma, funn iahra leit es nett doht gmacht voahra, funn iahra kind, un funn iahra nohch-kummashaft.” So sawkt da Hah.

Psalm 34:17

Di gerechta roofa, un da Hah heaht si, un macht si frei funn awl iahra druvvel.

Psalm 41:5

Mei feinda shvetza evil veyyich miah un sawwa, “Vann zayld eah shtauva un sei nohma fagessa sei?”