Römer 7:15 - Pennsylvania Dutch Bible

¹⁵ Ich fashtay nett vass ich du. Fa vass ich du vill, sell doon ich nett, avvah vass ich hass, sell doon ich.

Römer 7:15 交叉參考

Galater 5:17

Fa's falanga fumm flaysh is geyyich's falanga fumm Geisht un's falanga fumm Geisht geyyich's falanga fumm flaysh. Si sinn geyyich nannah un halda eich funn du vass diah vellet.

Nahum 1:7

Da Hah is goot, un is en feshtah-blatz an di zeit funn druvvel; eah gebt acht uf selli es iahra fadrauwa in een doon.

Jakobus 3:2

Fa miah doon awl feel shtolbahra. Vann ebbah kenn faylah hott in vass eah sawkt is eah en folkummanah mann un kann sei gans leib eigraynd halda.

Breddichah 7:20

Es is kenn gerechtah mann uf di eaht es immah goot dutt un nee nett sindicha dutt.

Römer 12:9

Di leevi soll nett falsh sei. Hasset vass evil is; henket oh zumm gooda.

Judas 1:23

Machet anri saylich mitt furcht. Zeeyet si aus em feiyah, un hasset even's glayt es fadrekt is mitt em flaysh.

Römer 14:22

Vann du en glawva hosht, hald en zu diah selvaht fannich Gott. Ksaykend is da mann vo blohk-frei is mitt di sacha es eah alawbt.

Psalm 19:12

Veah kann sei aykni faylah sayna? Fagebb miah di sinda es fashtekkeld sinn zu miah.

2. Timotheus 2:19

Avvah di shtandhaftich mavvah funn Gott is shuah un fesht. Uf selli mavvah shtayn dee vadda: “Da Hah kend selli vo sei sinn.” Un “Alli-ebbah es da nohma funn Christus bekend, muss vekk drayya funn ungerechtichkeit.”

Hebräer 1:9

Du hosht di gerechtichkeit gleebt, un di ungerechtichkeit kast. Fasell, oh Gott, hott dei Gott dich ksalbt mitt em ayl funn fraylichkeit ovvich dei kumrawda.”

Amos 5:15

Hasset vass evil is, leevet vass goot is, gevvet leit vass iahra recht is in di courts. Fleicht vatt da Hah, da Awlmechtich Gott, gnaydich zu selli es ivvahrich sinn fumm Joseph.

Shpricha 8:13

Di furcht fumm Hah maynd du hasht evil; ich hass shtolsheit un hohchmoot, en evil layves-lawf un falshi kshvetzah.

Römer 7:16

Vann ich sell du vass ich nett du vill, dann doon ich zu gevva es es Ksetz goot is.

Psalm 119:113

Ich hass zvay-ksichtichi mennah, avvah dei ksetz is miah leeblich.

Psalm 101:3

Ich loss kenn evil ding fannich mei awwa kumma; ich hass di eahvet funn selli es vekk falla, un ich loss iahra sacha nett ivvah-nemma in miah.

Psalm 1:6

Fa da Hah vatsht ivvah da vayk funn di gerechta, avvah da vayk funn di gottlohsa kumd zu nix.

Shpricha 13:5

Di gerechta hassa vass falsh is, avvah di gottlohsa bringa shohm un shanda.

Psalm 119:163

Ich hass un gleich nett falshheit, avvah ich habb dei ksetz leeb.

Psalm 119:128

Un fasell lawf ich pinklich noch dei adnunga, un ich hass alli falshah vayk.

Psalm 65:3

Unsah sinda henn uns nunnah gedrikt, avvah du fagebsht unsah ivvah-dreddes.

1. Kaynicha 8:46

Vann si sindicha geyyich dich—fa's is nimmand es nett sindicht—un du vasht zannich mitt eena un draysht si ivvah zu iahra feinda, dee es si fanga un vekk nemma zu iahra ayya land, nayksht adda veit ab;

Psalm 119:40

Gukk moll, ich habb en falanga fa dei adnunga, gebb miah layva in dei gerechtichkeit.

Psalm 119:32

Ich lawf im vayk funn dei gebodda, fa du hosht mei hatz gedraysht.

Lukas 11:48

So sind diah zeiya ditzu un aynich mitt vass eiyah foah-eldra gedu henn; fa si henn di brofayda doht gmacht un diah bauwet iahra grayvah.

Psalm 119:104

Ich fashtay sacha deich dei adnunga, fasell hass ich alli falshah vayk.

Psalm 97:10

Diah es da Hah leeb hend, hasset evil; eah heet di sayla funn sei heilichi, eah hald si aus di kfoah funn di gottlohsa iahra hend.

Psalm 36:4

Si henn gottlohsi sacha im sinn diveil es si im bett sinn; si gayn naus uf en vayk es nett goot is, un si drayya evil nett nunnah.

Johannes 15:15

Ich hays eich nimmi lengah gnechta, veil en gnecht nett vayst vass sei meishtah am du is, avvah ich habb eich freind kaysa, veil alles es ich keaht habb funn meim Faddah havvich eich vissa glost.