Römer 1:7 - Pennsylvania Dutch Bible

⁷ Zu awl selli in Rome vo Gott leebt un es raus groofa sinn fa heilich sei. Gnawt sei mitt eich un fridda funn Gott unsah Faddah, un em Hah, Jesus Christus.

Römer 1:7 交叉參考

Kolosser 1:2

zu di saylicha un shtandhafticha breedah in Christus an Colosse. Gnawt sei mitt eich, un fridda funn Gott unsah Faddah un em Hah Jesus Christus.

Epheser 1:2

Gnawt sei zu eich un fridda funn Gott unsah Faddah un em Hah Jesus Christus.

1. Thessalonicher 1:1

Paulus, Silvanus un Timotheus zu di gmay funn di Thessalonichah, vo im Gott da Faddah un im Hah Jesus Christus is. Gnawt sei zu eich, un fridda funn Gott unsah Faddah un fumm Hah Jesus Christus.

2. Korinther 13:14

Di gnawt fumm Hah Jesus Christus, di leevi funn Gott, un di gmeinshaft fumm Heilicha Geisht sei mitt eich awl. Amen.

2. Johannes 1:3

Gnawt, bamhatzichkeit un fridda funn Gott da Faddah un fumm Hah Jesus Christus, da Sohn fumm Faddah, sei bei eich in voahheit un in leevi.

Philemon 1:3

Gnawt sei zu eich un fridda funn Gott unsah Faddah un em Hah Jesus Christus.

2. Thessalonicher 3:18

Di gnawt funn unsah Hah Jesus Christus sei mitt eich awl. Amen.

2. Thessalonicher 3:16

Nau vinsha miah es da Hah funn fridda selvaht, eich immah fridda gebt in alli vayya. Da Hah sei bei eich awl.

Di Offenbarung 22:21

Di gnawt funn Jesus unsah Hah sei mitt eich awl. Amen.

Philemon 1:25

Di gnawt funn unsahm Hah Jesus Christus sei mitt eiyahm geisht. Amen.

1. Johannes 3:1

Saynet vi grohs es di leevi is es da Faddah uf uns gedu hott, es miah Gott sei kinnah kaysa sei sedda. Fasell kend di veld uns nett, veil see een nett gekend hott.

1. Petrus 1:15

Avvah vi deah vo eich groofa hott heilich is, so seind diah aw heilich in alles es diah doond.

Titus 1:4

Zumm Titus, mei ayknah boo im gleichlicha glawva: gnawt, bamhatzichkeit un fridda sei mitt diah funn Gott da Faddah un funn Christus Jesus unsah Heiland.

2. Timotheus 4:22

Da Hah Jesus Christus sei bei deim geisht. Gnawt sei mitt eich. Amen.

2. Timotheus 1:2

Zumm Timotheus, mei leeblich kind. Gnawt, bamhatzichkeit un fridda funn Gott da Faddah un Christus Jesus unsah Hah.

1. Timotheus 1:2

Zumm Timotheus, mei ayknah sohn im glawva: gnawt, bamhatzichkeit un fridda funn Gott da Faddah un Jesus Christus unsah Hah.

1. Thessalonicher 5:28

Di gnawt funn unsah Hah Jesus Christus sei bei eich. Amen.

1. Thessalonicher 4:7

Fa Gott hott uns nett groofa zu unreinichkeit, avvah zu heilichkeit.

1. Thessalonicher 1:3

Miah meinda immah fannich unsah Gott un Faddah eiyah eahvet in glawva un leevi, un eiyah geduldichi hofning in unsah Hah Jesus Christus.

Kolosser 3:12

So es vi selli vo raus groofa sinn bei Gott, un vo heilich un leeblich sinn, doond eich oh mitt hatzlichi bamhatzichkeit, freindlichkeit, daymoot, sanftmoot un geduld.

Philipper 4:23

Di gnawt funn unsahm Hah Jesus Christus sei mitt eich awl. Amen.

Philipper 4:20

Zu unsahm Gott un Faddah, sei hallichkeit fa immah un immah. Amen.

Epheser 6:23

Ich vinsh fridda un leevi zu di breedah un shveshtahra, mitt leevi un glawva funn Gott da Faddah un em Hah Jesus Christus.

Galater 6:18

Di gnawt funn unsahm Hah Jesus Christus sei mitt eiyahm geisht, leevi breedah. Amen.

1. Korinther 16:23

Di gnawt funn unsah Hah Jesus Christus sei mitt eich.

Römer 9:25

So vi eah sawkt deich da Hosea, “Selli vo nett mei leit voahra, hays ich mei leit, un selli vo nett mei leebshti voahra, hays ich mei leebshti.”

Römer 5:1

Fasell, siddah es miah gerecht gmacht sinn deich da glawva, henn miah fridda mitt Gott deich unsah Hah Jesus Christus.

Di Apostelgeschichte 15:23

Un si henn en breef kshrivva fa mitt eena shikka vi dess: “Di aposhtla, un eldishti, un breedah shikka en groos zu di glawvichi Heida funn Antioch, un Syria, un Cilicia.

Kolosser 3:15

Un losset da fridda funn Gott di ivvah-hand havva in eiyah hatza. Zu demm sind diah raus groofa in aym leib. Seind dankboah.

Philipper 4:13

Ich kann alles du deich Christus vo miah graft gebt.

Römer 8:39

adda ebbes hohches adda niddahres, adda ennich annah kshaffa ding uns funn-nannah du kann funn Gott sei leevi, vass in Christus Jesus unsah Hah is.

Römer 1:6

Un diah sind aw funn selli es raus groofa sinn funn Jesus Christus.

Di Offenbarung 2:1

“Zu em engel funn di gmay in Ephesus shreib: ‘Dess sawkt deah vo di sivva shtanna in sei rechtsi hand haybt, deah vo in di mitt funn di sivva goldicha lichtah-shtaends lawft:

Jakobus 1:1

Jakobus, en gnecht funn Gott un fumm Hah Jesus Christus, zu di zvelf shtamma vo ivvahrawlich rumm kshtroit sinn. Ich grees eich.

Johannes 20:17

Jesus hott ksawt zu iahra, “Du mich nett ohrayya, veil ich noch nett nuff ganga binn zumm Faddah. Avvah gay zu mei breedah un sawk eena es ich am nuff zu meim Faddah un eiyah Faddah gay binn; zu meim Gott un zu eiyah Gott.”

Matthäus 5:16

Losset eiyah lichtah sheina fannich di leit so es si di gooda sacha sayna kenna es diah doond, un es si no eiyah Faddah im Himmel lohva doon.”

Psalm 60:5

Mitt dei rechtsi hand nemm uns aus di kfoah un heich uns ab, so es selli es du leeb hosht frei gmacht vadda.

5. Mosi 33:12

Veyyich em Benjamin hott eah ksawt, “Deah leeblich fumm Hah soll sich nett feicha, fa eah heet een da gans dawk lang, un eah voond zvishich em Hah sei shuldahra.”

Di Offenbarung 3:22

Deah vo en oah hott, loss een heahra vass da Geisht sawkt zu di gmayna.’”

Di Offenbarung 3:14

Un zu em engel funn di gmay in Laodicea shreib: ‘Dee sacha sawkt da Amen, da shtandhaftich un da voah zeiya, da ohfang funn vass Gott kshaffa hott.

Di Offenbarung 3:7

Un zumm engel funn di gmay in Philadelphia shreib: ‘Dee sacha sawkt deah vo heilich is, deah vo voahheit is, deah vo da shlissel fumm Dawfit hott, deah vo uf macht un nimmand macht's zu, deah vo zu macht un nimmand macht's uf.

Di Offenbarung 2:29

Deah vo en oah hott, loss een heahra vass da Geisht sawkt zu di gmayna.’”

Di Offenbarung 2:18

Un zumm engel funn di gmay in Thyatira shreib: ‘Dee sacha sawkt da Sohn funn Gott, deah vo awwa hott vi en flamm funn feiyah un fees hott vi glitzahrich brass.

Di Offenbarung 2:12

Un zumm engel funn di gmay in Pergamus shreib: ‘Dee sacha sawkt deah vo en shauf zvay-shneidich shvatt hott.

Di Offenbarung 2:8

Un zumm engel funn di gmay in Smyrna shreib: ‘Dee sacha sawkt da eahsht un da letsht, deah vo doht voah un is viddah levendich vadda.

1. Timotheus 6:2

Selli gnechta vo glawvichi meishtah henn sella si nett vennichah achta veil si breedah sinn. Avvah in blatz funn sell sedda si noch haddah shaffa, veil selli vo goot raus greeya glawvich un beleebt sinn. Lann si un famohn si in dee sacha.

Hohches Leet 5:1

Ich binn in mei goahra kumma, mei shveshtah, mei hochtzich-maydel; ich habb myrrhe un shpeis zammah ksammeld. Ich habb mei hunnich-rohsa un mei hunnich gessa, un habb mei vei un millich gedrunka. Esset, diah es unsah freind sind; drinket biss diah foll sind, diah es nannah leeb hend.

4. Mosi 6:25

da Hah soll sei ksicht macha uf dich sheina un gnaydich sei zu diah;

Di Apostelgeschichte 9:13

Da Ananias hott ksawt, “Hah, ich habb keaht funn feel leit veyyich demm mann, vi feel veeshti sacha es eah gedu hott zu di glawvicha leit an Jerusalem.

Römer 5:5

Un hofning lost uns nett nunnah, veil Gott sei leevi ausgleaht is in unsah hatza bei em Heilicha Geisht, deah vo gevva is zu uns.

Römer 8:28

Miah vissa es alli sacha ausshaffa fa goot fa selli es Gott leeva, fa selli vo groofa sinn so vi Gott's foah-gezayld hott,

1. Korinther 1:24

Avvah zu selli vo raus groofa sinn funn di Yudda un di Greeyisha, is Christus Gottes graft un Gottes veisheit.

Philipper 1:2

Gnawt sei mitt eich un fridda funn Gott unsah Faddah, un fumm Hah Jesus Christus.

1. Thessalonicher 1:4

Diah breedah vo gleebt sinn bei Gott, miah vissa es diah raus groofa sind bei eem,

2. Thessalonicher 1:2

Gnawt un fridda sei zu eich funn Gott unsah Faddah un em Hah Jesus Christus.