Richtah 8:3 - Pennsylvania Dutch Bible

³ Gott hott di Midianiddah foah-gengah, da Oreb un da Seeb, in eiyah hend gevva. Vass habb ich gedu geyyich vass diah gedu hend?” Noch sellem voahra si nimmi bays ivvah een.

Richtah 8:3 交叉參考

Shpricha 15:1

En goot-maynich andvat drayt da zann vekk, avvah shaufi vadda shtadda da zann uf.

Philipper 2:3

Doond nix deich shtreit adda eah-geitz, avvah deich daymoot achtet anri haychah es eich selvaht.

Römer 12:6

Miah henn awl unnahshidlichi kshenkah. Dee sinn gmessa bei di gnawt es gevva is zu uns. Vann ebbah's kshenk hott fa broffetzeiya, loss een broffetzeiya noch em dayl fumm glawva es eem gevva is.

Römer 12:3

Deich di gnawt es gevva is zu miah sawk ich zu yaydah mann unnich eich: Nimmand soll haychah denka funn sich selvaht es vass eah denka sett. Avvah leevah, loss een sich selvaht richta in daymeedichkeit bei em glawva es Gott ausgedayld hott zu eem.

Johannes 4:37

In demm is es kshvetz voah vo sawkt, ‘Aynah sayt un da annah eahnd.’

Shpricha 25:15

Deich geduld kann en roolah fashvetzt sei, un en leichti zung kann en gnocha fabrecha.

Shpricha 25:11

En vatt es ksawt is an di recht zeit, is vi goldichi ebbel es in silvah ksetzt sinn.

Shpricha 16:32

Es is bessah fa nett kshvind bays vadda es vi fa mechtich sei, un veah sei zann meishtaht, is bessah es aynah es en shtatt ivvah-nemd.

Psalm 115:1

Nett zu uns, oh Hah, nett zu uns, avvah zu dei nohma gebb eah, fa dei shtandhaftichi-leevi un voahheit.

Psalm 44:3

Mitt iahra aykni shvadda henn si's land nett ivvah-gnumma, un iahra ayknah oahm hott eena nett ivvah-hand gevva. Avvah's voah dei rechtsi hand, dei oahm, un's licht funn dei ksicht, veil du si leeb katt hosht.

Richtah 8:2

Avvah da Gideon hott ksawt, “Vass habb ich gedu geyyich vass diah gedu hend? Is nett vass ivvahrich is funn di drauva-eahn fumm Ephraim may veaht es di gans eahn fumm Abieser?

Richtah 8:4

No is da Gideon un sei drei hunnaht mennah es bei eem voahra an da Jordan Revvah kumma un sinn drivvah nivvah ganga. Si voahra oahrich meet avvah sinn alsnoch iahra feinda nohch ganga.