Richtah 21:19 - Pennsylvania Dutch Bible

¹⁹ Avvah si henn ksawt, “Gukket moll, es is en grohs essa kalda zumm Hah an Silo alli yoah.” (Silo is nadda funn Beth-El, sauda funn Lebona un east fumm vayk es funn Beth-El noch Sichem gayt.)

Richtah 21:19 交叉參考

Johannes 7:2

Nau di zeit voah nayksht fa di Yudda iahra lawb-heisah fesht,

Johannes 5:1

Noch demm is Jesus nuff an Jerusalem ganga fa en feiyah-dawk-fesht funn di Yudda.

Psalm 81:3

Blohset's blohs-hann an di zeit fumm Neiya-Moon un an di zeit fumm folla moon, uf unsah fesht-dawk.

1. Samuel 1:3

Nau deah mann is alli yoah funn sei aykni shtatt nuff an Silo ganga fa bayda un opfahra macha zumm Awlmechticha Hah. Em Eli sei zvay boova, da Hophni un da Pinehas, voahra preeshtah fumm Hah an Silo.

Richtah 18:31

Si henn's gleichnis ufketzt fa sich selvaht es da Micha gmacht katt hott, un henn ohkalda's yoosa diveil es es haus funn Gott an Silo voah.

Joshua 18:1

Di gans fasamling funn di Kinnah-Israel is nau zammah kumma an Silo un henn da tempel-tent datt ufkokt. Es land voah nau in iahra hend.

5. Mosi 16:13

Noch demm es diah di eahn fumm dresha-floah un di vei-press eignumma hend, sellet diah's Lawb-Heisli-Fesht halda fa sivva dawk.

5. Mosi 16:10

un haldet's Vocha-Fesht zumm Hah eiyah Gott bei en frei-villich opfah bringa. Grawt so reichlich es da Hah eich ksaykend hott, so soll's opfah sei funn eiyah hand.

5. Mosi 16:1

Haldet da moonet funn Abib un esset's Passa-Fesht zumm Hah eiyah Gott. Im moonet Abib hott da Hah eiyah Gott eich nachts aus Egypta gebrocht.

4. Mosi 29:12

Uf em fuftzayda dawk fumm sivvada moonet kummet zammah in en heilichi fasamling un doond kenn haddi eahvet. Haldet dess fesht zumm Hah fa sivva dawk.

4. Mosi 28:26

Uf em eahsht-frucht-dawk, vann diah em Hah en neiyi frucht opfah machet in eiyah Vocha-Fesht, dann sellet diah zammah kumma es en heilichi fasamling un sellet kenn eahvet du sellah dawk.

4. Mosi 28:16

Uf em fatzayda dawk fumm eahshta moonet soll em Hah sei Passa-Fesht kalda sei.

4. Mosi 10:10

Diah sellet di blohs-hanna aw blohsa vann diah fraylich sind, an eiyah grohsi essa un an eiyah Neiyi Moon feshta. Diah sellet di blohs-hanna aw blohsa ivvah eiyah brand-opfahra un dank-opfahra. Dee sinn en ohdenkes fa eich fannich eiyah Gott. Ich binn da Hah eiyah Gott.”

3. Mosi 23:34

“Shvetz zu di Kinnah-Israel un sawk, ‘Uf em fuftzayda dawk fumm sivvada moonet shteaht em Hah sei Lawb-Heisli-Fesht. Dess gayt on fa sivva dawk.

3. Mosi 23:10

“Shvetz zu di Kinnah-Israel un sawk eena, ‘Vann diah in's land gaynd es ich eich gevva zayl un diah eahndet di eahn, dann sellet diah's eahsht shayb fumm frucht zumm preeshtah bringa.

3. Mosi 23:6

Uf em fuftzayda dawk funn sellah moonet shteaht em Hah sei Unksavvaht-Broht-Fesht; fa sivva dawk sellet diah unksavvaht-broht essa.

3. Mosi 23:4

Dess sinn di ksetzti fesht-dawwa, di heilicha fasamlinga es diah ausgevva sellet an di ksetzt zeit.

3. Mosi 23:2

“Shvetz zu di Kinnah-Israel un sawk eena, ‘Dess sinn mei ksetzti fesht-dawwa, di ksetzti fesht-dawwa fumm Hah vann diah zammah kumma sellet, un di dawwa es diah heilich haysa sellet.

Richtah 21:20

No henn si ksawt zu di mennah funn Benjamin, “Gaynd un fashteklet eich in di vei-goahra.