Richtah 14:20 - Pennsylvania Dutch Bible

²⁰ No voah em Samson sei fraw zu sei freind gevva es nayva kokt hott an sei hochtzich.

Richtah 14:20 交叉參考

Richtah 15:2

Eah hott ksawt, “Ich habb gmaynd du daytsht see veesht hassa, no havvich see zu dei freind gevva. Is nett iahra yingahra shveshtah shennah es see? Nemm see in iahra blatz.”

Johannes 3:29

Deah vo's hochtzich-maydel heiyahra zayld is da hochtzeidah. Da freind fumm hochtzeidah vo uf shtayt un heicht een ab, froit sich oahrich veil eah em hochtzeidah sei shtimm heaht. Fasell is mei frayt nau folkumma.

Johannes 13:18

Ich binn nett am shvetza veyyich awl funn eich. Ich vays veah ich raus groofa habb. Avvah dee Shrift muss folfild vadda, ‘Deah vo mei broht est, deah drett uf mich mitt sei fees.’

Micha 7:5

Du daufsht dei nochbah nett drauwa, nett even dei freind. Gebb acht vass du sawksht, even zu dei fraw.

Jeremia 9:5

Alli-ebbah fafiaht sei nochbah, un sawkt di voahret nett; si henn iahra zunga gland leeya sawwa, si macha sich meet am sindicha.

Richtah 15:6

Di Philishtah henn no kfrohkt, “Veah hott dess gedu?” Si voahra ksawt gvest, “Da Samson, da dochtah-mann fumm demm mann funn Thimnath, veil eah em Samson sei fraw zu sei freind gevva hott.” So sinn di Philishtah nuff ganga un henn see un iahra daett doht gebrend.

Hohches Leet 5:1

Ich binn in mei goahra kumma, mei shveshtah, mei hochtzich-maydel; ich habb myrrhe un shpeis zammah ksammeld. Ich habb mei hunnich-rohsa un mei hunnich gessa, un habb mei vei un millich gedrunka. Esset, diah es unsah freind sind; drinket biss diah foll sind, diah es nannah leeb hend.

1. Samuel 18:19

So vo di zeit kumma is es em Saul sei maydel, di Merab, zumm Dawfit gevva sei hott sella, voah see gevva zumm Adriel funn Meholah fa sei fraw sei.