6 Fa veah in di himla is gleich vi da Hah? Veah unnich di kinnah funn di mechticha is vi da Hah?
Unnich di gettah hott's nimmand vi dich, oh Hah, un's hott kenn verka vi deini.
Dei gerechtichkeit, oh Gott, langd nuff in da himmel, du es grohsi sacha gedu hosht, oh Gott. Veah is vi du?
Oh Hah, es is nimmand vi dich; du bisht grohs, un dei nohma is grohs un mechtich.
Veah is vi da Hah unsah Gott, deah es hohch in di hay hokt,
Bringet zumm Hah, diah himlishi, bringet zumm Hah hallichkeit un graft.
Veah unnich di gettah is vi du, oh Hah? Veah is vi du, in mechtichi heilichkeit, in vundahboahri lohb un in vunnahrichi kshefta?
Veah habb ich im himmel unni dich? Un siddah es ich dich habb, hott's nix anres uf di eaht es ich vill.
Oh Hah, Almechtichah Gott, veah is vi du? Du bisht mechtich, oh Hah, un dei shtandhaftichkeit is um dich rumm.
Favass braeksht du veyyich evili sacha, du mechtichah mann? Di grohs leevi funn Gott bleibt da gans dawk lang.
Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.
