Psalm 86:13 - Pennsylvania Dutch Bible

¹³ Dei shtandhaftichi-leevi geyyich miah is grohs, un du hosht mei sayl aus em deefa grawb kalda.

Psalm 86:13 交叉參考

Lukas 1:58

Un di nochbahra un iahra freindshaft henn keaht es da Hah oahrich bamhatzich voah zu iahra, un si henn sich kfroit mitt iahra.

Psalm 56:13

Fa du hosht mei sayl aus di kfoah fumm doht kalda, un mei fees kalda funn shtolbahra, so es ich fannich Gott lawfa kann, im licht funn layva.

Psalm 116:8

Du hosht mei sayl frei ksetzt fumm doht, mei awwa fumm awwa-vassah, un mei fees funn shtolbahra,

Psalm 57:10

Fa dei shtandhaftichi-leevi langd nuff biss an da himmel, un dei voahheit biss an di volka.

Hiob 33:28

Eah hott mei sayl frei-kshteld funn nunnah in's grawb gay, mei layva zayld's licht sayna.’

1. Thessalonicher 1:10

Si fazayla vi diah am voahra sind uf sei Sohn fumm Himmel, deah es eah uf gvekt hott funn di dohda—sell is, Jesus, deah vo uns aus em zann kalda hott es am kumma is.

Psalm 30:3

Du hosht mich fumm dohda kalda, oh Hah; du hosht mich levendich kalda, es ich nett nunnah in's grawb gay habb missa.

Psalm 16:10

Fa du zaylsht mich nett ivvah-gevva zu di veld funn di dohda, adda dei Heilichah fazeahra lossa.

Psalm 88:6

Du hosht mich in's deef grawb gedu, in en dunkel un en deef loch.

Hiob 33:24

Loss da engel no gnaydich sei zu eem un sawwa, ‘Hald een funn nunnah in's grawb gay, fa ich habb en vayk kfunna fa een frei setza.’

Jesoiya 38:17

Es voah geviss fa mei goot, es es miah so bang voah. Du hosht mei sayl hatzlich ohgnumma, so es see nett fadauva gayt. Du hosht awl mei sinda hinnich dei bukkel gedu.

Hiob 33:18

un so es eah sei sayl aus em grawb halda kann, un sei layva halda funn doht gmacht sei mitt em shvatt.

Hiob 33:22

Sei sayl kumd nayksht an's grawb un sei layva nayksht zu selli es da doht bringa.

Psalm 108:4

Fa dei shtandhaftichi-leevi langd nuff ovvich da himmel, un dei voahheit biss an di volka.

Psalm 30:4

Singet lohb zumm Hah, diah saylichi, un preiset sei heilichah nohma.