17 Di volka henn vassah runnah greyyaht, di himla henn gedimmeld, un di gviddah-shtrawla sinn zrikk un faddi ganga.
Eah hott arrows kshossa un hott sei feinda ausnannah kshtroit, mitt grohsi gviddah-shtrawla hott eah si raus gyawkt.
Di sunn un da moon im himmel henn shtill kshtanna, fumm glanz funn dei arrows am fleeya, fumm licht funn dei glitzahrichah shpiah.
Shikk gviddah un shtroi dei feinda ausnannah, shees dei arrows un fayawk si.
zu demm es deich di himla foaht, dee himla es datt voahra fumm ohfang. Eah shvetzt mitt en mechtichi shtimm.
Eah hott arrows kshossa, un sei feinda ausnannah gedrivva, gviddah hott si shpringa gmacht.
Oh Hah, vo du naus ganga bisht funn Seir, vo du aus em land Edom gloffa bisht, hott di eaht kshiddeld, di himla henn sich ausgleaht, di volka henn vassah runnah gleaht.
Da say hott gegukt un is difunn kshprunga; da Jordan Revvah is zrikk gedrayt.
Di berga henn dich ksenna, un henn kshiddeld. Es hohch vassah is fabei gloffa; es deef vassah hott grohsi yacht gmacht, un iahra vella voahra hohch.
