11 Gott is en gerechtah richtah, un en Gott es shtrohfa dutt alli dawk.
Da Hah is en Gott es jealous is un es shtrohfa dutt; da Hah is zannich un eah betzawld zrikk. Da Hah betzawld selli zrikk es geyyich een sinn, un eah hald sei zann fa sei feinda.
Veah kann fannich seim zann shtay? Veah kann sei haysah zann shtenda? Sei zann brend vi feiyah, un macht di felsa in shtikkah fabrecha.
Gerichtes zayld viddah uf gerechtichkeit gebaut vadda, un awl di ufrichticha im hatz gevva sich ivvah ditzu.
Da Hah richt di mensha. Richt mich, oh Hah, noch mei gerechtichkeit un unshuld.
Di himla sawwa veyyich sei gerechtichkeit, fa Gott selvaht is da richtah. (Sela)
