30 Ich zayl Gott sei nohma preisa mitt en leet singa, un gebb eem grohsi eah mitt dank.
Ich dank dich es du mich keaht hosht, un bisht mei saylichkeit vadda.
Da Hah is mei graft un mei shield; mei hatz draut eem, un eah hott miah kolfa. Mei hatz is fraylich, un ich dank een am singa.
Preiset da Hah mitt miah, vella sei nohma uf hayva mitt-nannah.
Opfah zu Gott en dank-opfah, un gebb zumm Alli-Haychshta vass du fashprocha hosht.
