10 Di gerechta leit zayla sich froiya im Hah, un zayla sich zu eem fadrauwa. Awl di ufrichticha im hatz zayla een preisa.
Froiyet eich ivvah da Hah, un seind fraylich diah gerechti; un singet mitt frayt, diah es ufrichtichi hatza hend.
Eah hott en nei leet in mei maul gedu, en leet fa unsah Gott lohva. Feel zayla sayna un sich feicha, un zayla iahra fadrauwa in da Hah du.
Avvah loss es nee nett sei es ich braekka du, unni vi yusht im greitz funn unsahm Hah Jesus Christus, deich deah vo di veld gegreitzicht is vadda zu miah, un ich zu di veld.
Sei nohch-kummashaft zayld mechtich sei im land, di kinnah funn di ufrichticha zayla ksaykend sei.
Es licht sheind uf di gerechta, un frayt sheind uf di ufrichticha im hatz.
Hald mich aus di kfoah un mach mich frei, loss mich nett fashohmd vadda, fa ich du mei fadrauwa in dich.
Di gerechta sayna di ungettlicha iahra shtrohf, un sinn froh, un di unshuldicha fashpodda si.
Froiyet eich immah im Hah, un ich sawk viddah, froiyet eich.
Di gerechta zayla froh sei vann si sindah sayna kshtrohft vadda, si zayla iahra fees vesha im bloot funn di gottlohsa.
Ich gukk zumm Hah fa mich aus di kfoah halda. So favass sawksht du miah, “Fleek nuff in di berga vi en fokkel?