Psalm 6:10 - Pennsylvania Dutch Bible

¹⁰ Awl mei feinda zayla sich shemma un oahrich gedruvveld sei; si zayla zrikk drayya un bletzlich fashohmd sei.

Psalm 6:10 交叉參考

Maleachi 3:18

Diah zaylet no viddah sayna vass fa en unnahshitt es es is zvishich di gerechta un ungerechta, zvishich selli es Gott deena un selli es nett doon.”

Jeremia 20:11

Avvah da Hah is bei miah vi en mechticha mann; selli es mich fafolka, zayla shtolbahra un si greeya's nett gedu. Si greeya's nett ausgricht un vadda fashohmd; iahra shohm vatt nee nett fagessa.

Psalm 86:17

Veis miah en zaycha es du's goot maynsht fa mich, so es selli es mich hassa sich shemma missa, veil du, oh Hah, miah bei shtaysht un mich drayshta dusht.

Jesoiya 26:11

Oh Hah, dei hand is hohch ufkohva, avvah si sayna see nett. Loss si dei bekimmahnis sayna fa dei leit, un loss si sich shemma. Loss es feiyah es du haldsht fa dei feinda si fazeahra.

Shpricha 29:1

En mann es oft gvand voah un is alsnoch dikk-kebbich, zayld bletzlich gebrocha sei unni hilf.

Psalm 132:18

Ich zayl sei feinda glaydah mitt shohm, avvah da krohn uf sei kobb zayld sheina.”

Psalm 112:10

Da gottlohs mann saynd dess un vatt bays, eah beist sei zay zammah un fagayt; da falanga funn di gottlohsa kumd zu nix.

Psalm 73:19

Si vadda bletzlich zu nix gebrocht, si vadda vekk gekeaht zu en heslich end.

Psalm 71:24

Un mei zung zayld shvetza veyyich dei gerechtichkeit da gans dawk lang, veil selli es miah letz du henn vella, fashtatzt un fashohmd sinn.

Psalm 71:13

Loss selli es mei sayl pshuldicha sich shemma un umkumma. Loss selli es miah letz du vella zu gedekt sei mitt shpott un shohm.

Psalm 35:26

Loss selli sich shemma un gedaymeedicht vadda, es sich froiya ivvah mei dreebsawl. Loss selli geglayt sei mitt shohm un shand, es sich uf hayva ovvich mich.

Psalm 25:3

Selli es iahra hofning in dich doon, zayla nee nett zumm shohm gebrocht sei. Avvah selli es geyyich dich shaffa unni uahsach, zayla sich shemma.

Psalm 7:6

Shtay uf, oh Hah, in deim zann; setz dich geyyich da zann funn mei feinda. Vekk uf, mei Gott, un shtell sell recht vass letz is.

1. Thessalonicher 5:3

Vann leit sawwa, “Fridda, un miah henn kenn kfoah,” no bletzlich kumd dess fadeahves uf si vi di shmatza uf en fraw vo en kind havva zayld. Un nimmand kann vekk difunn.

Psalm 5:10

Hayb si shuldich, oh Gott! Bei iahra ayyanah roht loss si falla. Shtohs si naus fa iahra feel sinda, fa si henn sich ufkshteld geyyich dich.

Psalm 2:5

No shvetzt eah zu eena in seim zann, un eah fagelshtaht si in sei haysi gleet, un sawkt,

Hiob 6:29

Gevvet ei, seind nett unrecht, denket viddah, dess hott zu du mitt mei gerechtichkeit.

2. Kaynicha 20:5

“Gay un sawk em Hiskia, da foah-gengah funn mei leit, ‘Dess is vass da Hah, da Gott funn deim faddah da Dawfit sawkt: Ich habb dei gebayt keaht un habb dei awwa-vassah ksenna; ich zayl dich hayla. Uf em dridda dawk funn nau zaylsht du nuff an da tempel fumm Hah gay.

Psalm 55:20

Mei freind hott sei hend naus kshtrekt geyyich sei goodi freind, eah hott sei bund gebrocha mitt miah.