Psalm 58:7 - Pennsylvania Dutch Bible

⁷ Loss si fagay vi vassah es ab lawft; vann si iahra arrows zeela, loss si fabrocha sei.

Psalm 58:7 交叉參考

Psalm 112:10

Da gottlohs mann saynd dess un vatt bays, eah beist sei zay zammah un fagayt; da falanga funn di gottlohsa kumd zu nix.

Joshua 7:5

Di mennah funn Ai henn baut sex un dreisich funn di Israeliddah mennah doht gmacht vi si si ivvah da hivvel nunnah gyawkt henn fumm shtatt-doah zu di shtay quarry. So henn di leit gans moot faloahra, un iahra hatza sinn kshmolsa un vadda vi vassah.

Jesoiya 13:7

Fasell vadda alli hend shvach, alli-ebbah sei hatz zayld shmelsa.

Psalm 64:3

Si shaufa iahra zunga vi shvadda; si zeela iahra giftichi vadda vi arrows.

2. Mosi 15:15

Di evvahshti funn Edom zayla angsht havva, di foah-gengah funn Moab fanga oh shidla, un di leit funn Kanaan sinn matt mitt furcht.

Psalm 22:14

Ich binn raus gleaht vi vassah; awl mei gnocha sinn funn-nannah gezowwa, mei hatz is vi fashmolsanah wax in miah.

2. Samuel 17:10

No even da shteiksht greeks-gnecht es en hatz hott vi en layb, zayld sich feicha. Gans Israel vayst es dei daett en fechtah is, un es sei mennah sich nett feicha.

Hiob 4:10

Da layb roaht un gnatt, un di zay funn di yunga layva sinn abgebrocha.

Psalm 3:8

Di hilf kumd fumm Hah. Loss dei sayya uf dei leit kumma. (Sela)