2 Heich mich ab, un gebb miah andvat; ich binn engshtlich veyyich mei druvvel, un's is miah bang
Ich habb gepiffa vi en shvalma un en vassah-fokkel, un habb gyammaht vi en daddel-daub; mei awwa voahra shvach vi ich nuff gegukt habb. Ich binn gedruvveld, oh Hah, helf miah!”
Avvah Gott hott mich gevislich keaht, un hott acht katt fumm gebayt funn mei shtimm.
Ich denk an Gott, un binn bedreebt, ich denk's ivvah, un mei hatz vatt engshtlich. (Sela)
Heich mei shtimm ab, oh Gott, vann ich mich faglawk, heet mei layva vann ich lasht habb funn mei feinda.
Miah gnarra vi beahra, miah yammahra vi dauva; miah gukka fa unsah recht, avvah finna's nett, fa saylichkeit, avvah's is veit vekk.
Du bisht da gott funn mei graft, favass hosht du mich vekk kshtohsa? Favass muss ich dravvahlich rumm heah gay, un nunnah gedredda sei bei mei feinda?
Ich binn grumm un ivvah-gebikt, un gay rumm in dreebsawl da gans dawk.
Vo ich shtill voah veyyich mei sinda, sinn mei gnocha shiah ausgvoahra deich mei geyammah da gans dawk lang.
Heich mich ab, oh Hah, heich vann ich roof. Dray dei oah zu meim gebayt, es nett kumd funn uneahlichi leftz.
Du hosht mei shtimm keaht sawwa, “Mach dei oahra nett zu zu meim roof fa hilf.”
