Psalm 39:6 - Pennsylvania Dutch Bible

⁶ Da mensh lawft rumm heah es vi en shadda, un macht sich unaydichah druvvel, eah sammeld feel geld, un vayst nett veah's greeya zayld.

Psalm 39:6 交叉參考

Breddichah 2:26

Zumm mann es kfellich is zu Gott, gebt eah veisheit, fashtand un frayt, avvah zumm sindah gebt eah di eahvet fa sach zammah samla un ufshtoahra yusht so es eah's ivvah-gevva kann zu demm vo kfellich is zu Gott. Awl dess is unni mayning. Es is vi am broviahra da vind fanga.

Jakobus 4:14

Vei du vaysht goah nix veyyich meiya. Vass is dei layva? Es is yusht vi da nevvel es sich veist fa en glenni zeit un no viddah fagayt.

1. Korinther 7:31

Selli vo zu du henn mitt di veld, sella nett ufgnomma sei mitt iahra. Fa di sacha funn dee veld zayla fagay.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Breddichah 5:14

un deich en shlechtah handel hott eah's alles faloahra, so es vann eah en boo hott, is nix ivvahrich fa een.

1. Petrus 5:7

Lawdet awl eiyah bekimmahnis uf een, fa eah gebt acht uf eich.

Lukas 12:29

Un diah sellet nett uf eiyah meind havva vass diah essa zaylet adda vass diah drinka zaylet, un diah sellet aw nett engshtlich sei diveyya.

Jesoiya 55:2

Favass betzawlet diah geld fa sell es nett broht is, un shaffet fa sell es nett satt macht? Heichet, heichet zu miah, un esset vass goot is; losset eiyah sayl sich froiya in feel havva.

Breddichah 12:8

“Awl dess hott kenn mayning,” sawkt da Breddichah. “Nix in layva hott mayning.”

Breddichah 2:8

Ich habb silvah un gold ufksammeld fa mich selvaht, un's keshtlich sach funn kaynicha in anri lendah. Ich habb mansleit un veibsleit singah katt un feel nayva-veivah, dess vass en manskal blesiah gebt.

Breddichah 1:14

Ich habb awl di sacha ksenna es gedu sinn unnich di sunn; si sinn awl unni mayning, so vi vann ma broviahra dayt da vind fanga.

Shpricha 13:22

En goodah mann lost en eahbshaft zu sei kinds-kinnah, avvah di reichheit funn di sindah gayt zu di gerechta.

Psalm 127:2

Es is fa nix es diah free uf shtaynd, un shpoht in's bett gaynd, am shaffa fa broht zu essa; fa eah gebt shlohf zu selli es eah leeb hott.

1. Petrus 1:24

Fa, “Awl flaysh is vi graws, un awl mensha iahra hallichkeit is vi di blumma fumm graws. Es graws fadatt un di blumma falla ab,

Jakobus 5:3

Eiyah gold un silvah is farosht, un sellah rosht zayld en zeiknis sei geyyich eich, un zayld eiyah flaysh uf fressa vi feiyah. Diah hend eich keshtlichi sacha zammah ksammeld in di letshti dawwa.

Shpricha 27:24

fa reichheit bleibt nett fa'immah un en krohn vatt nett zu di nohch-kummashafta gevva fa'immah.

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Hiob 7:7

Fagess nett, oh Gott, es mei layva is vi en ohften, mei awwa zayla nee nimmi goodes sayna.

Hiob 7:16

Ich hass mei layva, ich vill nett on layva, loss mich gay, mei dawwa henn kenn mayning.

Hiob 14:1

“Da mensh es geboahra is funn en veibsmensh laybt en katzi zeit un is foll unroo.

Psalm 89:48

Vass fa en mensh kann layva un nett shtauva? Kann eah sei sayl aus di graft fumm grawb halda? (Sela)

Psalm 144:4

Da mensh is vi en ohften, sei dawwa sinn vi en shadda es fagayt.

Breddichah 11:10

So nemm da angsht aus deim hatz, un du vekk vass diah shmatza gebt. Fa's is feel es ma nett fashtay kann vann ma yung is.

Lukas 12:26

Vann diah, dann, so en glay ding vi sell nett du kennet, favass hend diah angsht veyyich em ivvahricha?