10 Di yunga layb gayn hungahrich un vadda shvach, avvah selli es da Hah sucha, henn kenn noht fa ennich goot ding.
Di yunga layb roahra diveil es si hunda, un sucha fa iahra ess-sach funn Gott.
Di leit in sei haus zayla reich un goot ab sei, un sei gerechtichkeit zayld bleiva fa'immah.
Da Hah is mei shohf-heedah, ich habb goah kenn noht.
so es eah iahra sayl fumm doht halda kann, un si am layva halda kann deich di hungahs-noht.
Fa Gott da Hah is en sunn un en shield; da Hah gebt gnawt un hallichkeit. Eah haybt nix goodes zrikk funn selli es ufrichtich lawfa.
Da Hah lost di gerechta nett hungahrich gay, avvah eah hald di gottlohsa funn greeya vass si havva vella.
Di furcht fumm Hah fiaht zumm layva, no kann ebbah roowa un is frei funn druvvel.
Daymoot un di furcht fumm Hah, bringa reichheit, eah un layva.
Di Heida doon sich bekimmahra veyyich awl dee sacha. Avvah eiyah Faddah im Himmel vayst es diah awl dee sacha brauchet.
