Psalm 33:6 - Pennsylvania Dutch Bible

⁶ Da himmel voah gmacht bei's vatt fumm Hah, un alles es drinn is bei da ohften funn seim maul.

Psalm 33:6 交叉參考

Hebräer 11:3

Deich da glawva fashtayn miah es di veld gmacht voah bei Gott sei Vatt, so es sell vass ma sayna kann voah nett gmacht bei sell vass ma sayna kann.

2. Petrus 3:5

Avvah si doon poahbes dess ivvah-gukka: bei Gott sei Vatt voahra di himla gmacht lang zrikk, un di eaht voah gmacht aus em vassah un im vassah,

Hiob 33:4

Da Geisht Gottes hott mich gmacht, un da ohften fumm Awlmechticha gebt miah layva.

Psalm 33:9

Fa eah hott kshvetzt, no voah's so kshaffa; eah hott gebodda gevva, un's hott so auskshaft.

1. Mosi 2:1

Un so voah da himmel un di eaht faddich gmacht un alles es drinn voah.

1. Mosi 2:7

No hott Gott da Hah samm shtawb fumm grund gnumma un hott en mensh gmacht. Eah hott en levendichah ohften in sei naws kshnauft, un da mensh is en levendichi sayl vadda.

Johannes 20:22

Un vo eah dess ksawt katt hott, hott eah uf si kshnauft un hott ksawt zu eena, “Nau nemmet da Heilich Geisht.

1. Mosi 1:6

No hott Gott ksawt, “Loss en himmel shpann auskshtrekt sei ovva-heah zvishich di vassahra, un loss es di vassahra in zvay fadayla.”

Hiob 26:13

Bei seim vind sinn di himla abgeblohsa un shay vadda, un sei hand hott di shlang doht gmacht es am difunn gay voah.

1. Mosi 6:7

No hott da Hah ksawt, “Ich zayl di mensha ausreiva es ich gmacht habb funn di gans eaht—di mensha, es fee, di sacha es gradla uf em bodda, un di fekkel in di luft—fa's shpeit mich es ich si gmacht habb.”

Römer 1:25

Si henn di voahheit funn Gott fahandeld fa en leek, un henn sell ohgebayda un gedeend vass kshaffa is am blatz funn deah vo's kshaffa hott, deah vo glohbt is in ayvichkeit. Amen.

Psalm 104:30

Vann du eena dei ohften gebsht, no sinn si kshaffa, un du gebsht nei layva zu di eaht.

1. Mosi 1:1

Am ohfang hott Gott da himmel un di eaht kshaffa.

5. Mosi 4:19

Un gevvet acht vann diah nuff in da himmel gukket un saynet di sunn, da moon un di shtanna—awl di sacha im himmel—es diah nett vekk gezowwa vaddet fa nunnah bikka un si deena. Dee sacha hott da Hah eiyah Gott gevva zu alli folk unnich em himmel.

Jeremia 8:2

Si zayla ausnannah kshtroit sei unnich di sunn un da moon un unnich awl di shtanna fumm himmel—dee es si leeb katt henn un gedeend henn, un dee es si nohch gloffa sinn, iahra roht kfrohkt henn un si ohgebayda henn. Si zayla nett zammah gnumma sei un fagrawva vadda, avvah zayla uf em grund leiya vi misht.

Jeremia 10:16

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel, sei aykni leit gmacht. Sei nohma is da Awlmechtich Hah!