9 Vass goot is es vann ich shtaub, un vann ich nunnah in's grawb gay? Kann da shtawb dich danka, un kann eah dei shtandhaftichkeit breddicha?
Ebbah dohdes denkt nett an dich. Veah kann dich danka im grawb?
Fa's grawb kann dich nett danka, un da doht kann dich nett preisa, un selli es nunnah in's grawb gayn, henn kenn hofning fa dei shtandhaftichkeit.
Vass-evvah es dei hend finna fa du, du's mitt awl dei macht, fa vo du anna gaysht im grawb zayld kenn eahvet adda denkes adda eisicht adda veisheit sei.
Ich zayl nett shtauva, avvah layva, un zayl fazayla vass da Hah gedu hott.
Ich habb groofa zu eem mitt mei maul, un ich habb een gepreist mitt mei zung.
