14 Da Hah haybt awl selli uf es anna falla, un macht selli grawt es nunnah gebohwa sinn.
Da Hah macht di blinda sayna. Da Hah haybt selli uf es nunnah gebohwa sinn, da Hah leebt di gerechta.
Vann eah shtolbaht, dutt eah nett falla, fa da Hah haybt sei hand.
Vo ich ksawt habb, “Mei foos is am shlibba,” dann hott dei shtandhaftichi-leevi mich uf kohva, oh Hah.
Mach mich shteik, so es ich frei gmacht binn, un dei gebodda immah uf hayva kann.
Favass bisht du so bedreebt, oh mei sayl, un bisht so unruich in miah? Du dei hofning in Gott, fa ich zayl een viddah lohva, veil eah mei hilf un mei Gott is.
Ich binn grumm un ivvah-gebikt, un gay rumm in dreebsawl da gans dawk.
