Psalm 119:97 - Pennsylvania Dutch Bible

⁹⁷ Oh, vi leeblich is dei ksetz zu miah! Ich denk drivvah da gans dawk lang.

Psalm 119:97 交叉參考

Psalm 1:2

Avvah sei frayt is mitt em Ksetz fumm Hah, un eah denkt veyyich seim Ksetz dawk un nacht.

Shpricha 2:10

Fa veisheit zayld in dei hatz kumma, un eisicht zayld blesiahlich sei zu dei sayl.

Psalm 119:159

Gukk moll vi leeb es ich dei adnunga habb; gebb miah layva, oh Hah, deich dei shtandhaftichi-leevi.

Joshua 1:8

Heah nett uf shvetza mitt deim maul veyyich demm buch fumm Ksetz, un loss es nett vekk kumma funn diah. Denk un shtoddi drivvah dawk un nacht. Un gebb goot acht es du alles dusht grawt vi's kshrivva is drinn. No zayld alles goot ausshaffa fa dich un alles zayld recht ausdrayya es du unnah-nemsht.

Psalm 119:48

Ich hayb mei hend uf zu dei gebodda, dee es ich leeb habb, un denk dei gebodda ivvah.

Psalm 119:167

Mei sayl hald dei zeiknisa, un ich habb grohsi leevi fa si.

Psalm 119:165

Selli es dei ksetz leeb henn, henn grohsah fridda, un nix kann si shtolbahra macha.

Psalm 119:127

Fasell habb ich dei gebodda leeblich, may es gold, yau, may es fei gold.

5. Mosi 17:19

Eah soll dess buch bei sich halda un's laysa sei layva lang, so es eah land fa da Hah sei Gott firchta un oahrich acht gevva fa awl di vadda funn dee gebodda un ksetza halda.

Psalm 119:113

Ich hass zvay-ksichtichi mennah, avvah dei ksetz is miah leeblich.

Shpricha 18:1

En mann es sich laynich hald is yusht bekimmaht veyyich sich selvaht, un gayt geyyich alles es goot un recht is.

Psalm 119:15

Ich denk dei adnunga ivvah, un nemm dei vayya zu hatz.

Psalm 119:47

Ich habb frayt in dei gebodda, veil ich si leeb habb.