86 Dei gebodda kenna awl gedraut sei; helf miah, fa mennah fafolka mich mitt leeya.
Avvah ich binn shvach un habb noht; kumm kshvind zu miah, oh Gott. Du bisht mei hilf un machsht mich frei, oh Hah, voaht nett.
Loss selli sich nett froiya ivvah mich, es mei feinda sinn unni uahsach; loss selli es mich hassa unni uahsach, iahra awwa nett blikka mitt shpott.
Loss di shtolsa sich shemma fa miah letz du unni shuld, avvah ich hald mich uf mitt dei adninga.
Helf miah, oh Hah mei Gott, deich dei shtandhaftichi-leevi mach mich frei.
Fa unni uahsach henn si iahra net ksetzt fa mich; unni uahsach henn si en loch gegrawva fa mich fanga.
So's Ksetz is heilich, un's gebott is heilich, recht un goot.
Avvah du bisht nayksht, oh Hah, un awl dei gebodda sinn voahheit.
Du hosht dei zeiknisa gevva in gerechtichkeit, si kenna folshtendich gedraut sei.
Un fasell lawf ich pinklich noch dei adnunga, un ich hass alli falshah vayk.
Sett goodes zrikk betzawld sei mitt evil? Doch henn si en loch gegrawva es ich nei falla soll. Denk droh es ich fannich diah kshtanna habb un habb kshvetzt fa si, so es du dei zann vekk draysht funn eena.
Dei gerechtichkeit is en ayvichi gerechtichkeit, un dei ksetz is voahheit.
Di furcht fumm Hah is rein, un bleibt fa'immah. Di gerichta fumm Hah sinn voah, un sinn gans gerecht.
Mach mich frei funn mei feinda, oh Hah, ich gukk zu diah fa mich aus di kfoah nemma.
Mei feinda sinn foll layva un sinn shteik, selli es mich hassa unni uahsach sinn feel.
