81 Mei sayl hott en falanga fa dei saylichkeit, ich du mei hofning in dei vatt.
Mei sayl hott en falanga un en oahrichah vinsh fa im hohf fumm Hah sei haus sei. Mei hatz un leib froiya sich im levendicha Gott.
Gukk moll, ich habb en falanga fa dei adnunga, gebb miah layva in dei gerechtichkeit.
Mei leib un mei hatz mechta shvach vadda, avvah Gott is di graft funn meim hatz un mei dayl fa'immah.
Oh yungi mayt funn Jerusalem, ich frohk eich, vann diah mei beleebdah finnet, sawwet eem es ich matt binn mitt leevi fa een.
Du bisht mei shield un da blatz es ich mich fashtekla kann, ich du mei hofning in dei vatt.
Loss dei bamhatzichkeit zu miah kumma so es ich layb, fa ich habb frayt in deim ksetz.
Selli es dei furcht henn, froiya sich vann si mich sayna, veil ich hofning in dei vatt du.
No kann ich andvat gevva zu sellah es mich fashpodda dutt, fa ich faloss mich uf dei vatt.
Mei sayl fazeaht sich mitt en falanga fa dei adnunga di gans zeit.
Ich zayl een selvaht sayna, mitt mei aykni awwa, un nimmand shunsht. Ich habb en falanga in meim hatz.
Loss dei shtandhaftichi-leevi zu miah kumma, oh Hah, mach mich saylich so vi du fashprocha hosht.
Nemm nett's vatt funn di voahheit aus meim maul, fa ich hoff in dei adnunga.
Ich voaht uf da Hah, mei sayl voaht, un ich du mei hofning in sei vatt.
