72 Es ksetz funn dei maul is miah leevah, es dausends funn shtikkah silvah un gold.
Si sinn may veaht es gold, even's feinsht gold. Si sinn seesah es hunnich, even pyuahrah hunnich.
Fasell habb ich dei gebodda leeblich, may es gold, yau, may es fei gold.
Es is bessah fa veisheit greeya es vi fa gold havva, un's is bessah fa eisicht nemma es vi silvah.
Ich froi mich ivvah dei vatt, so es vi ebbah es oahrich keshtlich sach find.
Mei frucht is bessah es gold, even es fei gold, un vass ich gebb is bessah es es besht silvah.
Dei zeiknisa sinn mei eahbshaft fa'immah, fa si sinn di frayt funn meim hatz.
Ich froi mich ivvah da vayk funn dei zeiknissa, may es fa oahrich reich sei.
Un deich si, dutt dei gnecht gvand vadda, veah si halda dutt, hott en grohsah lohn.
Ksaykend is da mann es veisheit find, un aw da mann es eisicht grikt.
Veisheit, so vi eahbshaft, is en goot ding, un helft selli es di sunn sayna.
