47 Ich habb frayt in dei gebodda, veil ich si leeb habb.
Ich hayb mei hend uf zu dei gebodda, dee es ich leeb habb, un denk dei gebodda ivvah.
Oh, vi leeblich is dei ksetz zu miah! Ich denk drivvah da gans dawk lang.
Fasell habb ich dei gebodda leeblich, may es gold, yau, may es fei gold.
Jesus hott ksawt zu eena, “Mei ess-sach is fa da villa du funn demm vo mich kshikt hott, un fa sei eahvet faddich macha.
Ich habb frayt in dei gebodda, un zayl dei vatt nett fagessa.
Ich habb grohsi frayt im Ksetz funn Gott in meim innahlichah mensh.
Ich habb en falanga fa dei saylichkeit, oh Hah, un ich habb frayt in deim ksetz.
Mei sayl hald dei zeiknisa, un ich habb grohsi leevi fa si.
Dei vatt kann falossa sei druff, un dei gnecht hott's leeb.
Lohb sei zumm Hah! Ksaykend is da mann es da Hah fircht, sellah es grohsi frayt hott in sei gebodda.
Zu demm voahret diah groofa, veil Christus aw glidda hott un hott eich en foah-bild glost, es diah in sei foos-dabba nohch kumma sellet.
So's Ksetz is heilich, un's gebott is heilich, recht un goot.
Ich habb frayt mitt dei zeiknisa, si sinn mei roht-gevvah.
Seind psunna mitt di saym meind es in Christus Jesus voah,
Vann ich sell du vass ich nett du vill, dann doon ich zu gevva es es Ksetz goot is.
Ich hass zvay-ksichtichi mennah, avvah dei ksetz is miah leeblich.
Du shmeisht awl di gottlohsa naus vi trash, fasell sinn dei zeiknisa miah leeblich.
Gukk moll vi leeb es ich dei adnunga habb; gebb miah layva, oh Hah, deich dei shtandhaftichi-leevi.
Ich hass un gleich nett falshheit, avvah ich habb dei ksetz leeb.
