105 Dei vatt is en licht zu mei fees, un helling fa mei pawt.
Fa dee gebodda sinn en licht, es ksetz is helling, un di famohninga fa recht do sinn da vayk fumm layva.
Shikk dei licht un dei voahheit naus, loss si mich fiahra, so es si mich zu dei heilichah hivvel bringa, un an da blatz es du bleibsht.
Du machsht mei licht sheina, da Hah, mei Gott, macht mei dunkelheit dawk sei.
Un's Vatt funn di brofayda voah may fesht gmacht zu uns, un diah doond goot fa's abheicha. Dess is vi en licht es am sheina is in en dunklah blatz biss es dawk vatt un di meiya-shtann ufkumd in eiyah hatza.
vi sei licht uf mei kobb ksheind hott, un ich binn deich's dunkla gloffa bei seim licht;
Avvah ennich ebbes es in's licht gebrocht vatt, dess kann ma sayna, fa's licht dekt alles ab so es ma's sayna kann.
Em Hah sei befayla sinn recht, un macha's hatz froh. Di gebodda fumm Hah sinn pyuah, un gevva licht zu di awwa.
