2 Veil eah mich abkeicht hott, zayl ich een ohroofa so lang es ich layb.
Ich habb geduldich gvoaht uf da Hah; eah hott sich gedrayt, un mei roofes keaht.
Seind nett engshtlich veyyich ennich ebbes, avvah in alles deich bayda un ohhalda, un deich dank gevva, losset eiyah noht vissa gmacht sei zu Gott.
No hott Jesus eena en gleichnis ksawt es si sedda immah bayda un nett ufgevva.
Dray dei oah zu miah, un nemm mich kshvind aus di kfoah; Sei en shteikah felsa zu miah, en shteik greeks-gebei es mich frei macht.
Haldet oh im gebayt, vatshet un seind dankboah.
Oh Hah Gott, mei Heiland, ich roof zu diah fa hilf dawk un nacht.
Zayld eah frayt havva im Awlmechticha? Zayld eah Gott ohroofa di gans zeit?
Glohbt sei da Hah, veil eah mich keaht hott roofa fa bamhatzichkeit.
Du bisht mei felsa un mei greeks-gebei, fa da villa funn deim nohma, gay miah foah un fiah mich.
Du hosht mich in's deef vassah kshmissa, in di mitt fumm say. 'S vassah voah gans um mich rumm, un awl dei grohsi vella sinn ivvah mich ganga.
