1 Lohb sei zumm Hah! Ich zayl dank gevva zumm Hah mitt mei gans hatz, unnich di ufrichticha un in di fasamling.
Ich dank dich funn meim gansa hatz; fannich di gettah vill ich diah lohb singa.
Halleluja! Singet en nei leet zumm Hah; di fasamling funn di saylicha soll een lohva.
Mitt mei maul zayl ich grohs dank gevva zumm Hah, un in di grohs drubb leit zayl ich een lohva.
Lohb sei zumm Hah! Gevvet dank zumm Hah, fa eah is goot, un sei shtandhaftichi-leevi bleibt fa'immah.
Ich zayl dich danka, oh Hah, unnich di leit; ich zayl diah lohb singa unnich di heida.
Di himla preisa dei vundahra, oh Hah, un dei shtandhaftichkeit in di fasamling funn di heilicha.
No dank ich dich in di grohs fasamling, un unnich di drubba leit lohb ich dich.
Glohbt sei da Hah, da Gott funn Israel, fa'immah un immah. Loss awl di leit “Amen” sawwa. Halleluja!
Gott is kfircht in di fasamling funn di heilicha, un vundahboah hohch ufkohva ovvich selli um een rumm.
Ich vill dich lohva in di grohs fasamling, ich vill du vass ich fashprocha habb fannich selli es dich firchta.
Loss si een eahra vann di leit zammah kumma, un een lohva unnich di eldishti.
Ich zayl da Hah danka mitt mei gans hatz; un zayl fazayla veyyich awl dei vundahra.
Lohb da Hah, oh mei sayl, un alles es in miah is; lohb sei heilichah nohma.
Diah es di furcht fumm Hah hend, lohvet een; awl diah, di nohch-kummashaft fumm Jakob, eahret een, un diah, di nohch-kummashaft funn Israel, gukket nuff zu eem.