15 Loss iahra sinda immah fannich em Hah sei, un loss es ohdenkes funn eena gans fagessa sei uf di eaht.
'S ksicht fumm Hah is geyyich selli es evil doon, so es si gans fagessa sinn uf di eaht.
Du hosht unsah sinda fannich dich ksetzt, un unsah fashtekkeldi sinda raus fannich dei ksicht gedu.
Sei ohdenkes vatt fagessa uf di eaht, un eah hott kenn nohma im land.
Fashtekkel dei ksicht funn mei sinda, un reib awl mei shulda aus.
Da Hah hott kshvoahra bei sich selvaht, deah es da Jakob so shtols is mitt, “Ich zayl nee nett fagessa vass si gedu henn.
Even vann du dich vesht mitt lawk, un yoosht feel sayf, da blakka funn dei shuld is alsnoch fannich miah.” So sawkt da Awlmechtich Hah.
Eiyah nohma zayld gyoost vadda fa en fluch bei mei raus-groofeni; da Awlmechtich Hah macht eich doht, avvah eah gebt sei gnechta en anrah nohma.
Loss sei nohch-kummashaft abkshnidda sei, loss sei kinds-kinnah iahra nohma ausgrivva sei in di zeit vo kumd.
“Habb ich dee sacha nett ufkshtoaht, un si fashtekkeld kalda in mei geld-shtubba?
Avvah si denka nett droh es ich awl iahra ungettlichkeit meinda zayl. Iahra sinda sinn gans um si rumm, un si sinn immah fannich miah.
Di gerechta roofa, un da Hah heaht si, un macht si frei funn awl iahra druvvel.
