Psalm 109:1 - Pennsylvania Dutch Bible

¹ Oh Gott, du es ich preisa du, bleib nett shtill.

Psalm 109:1 交叉參考

Psalm 28:1

Vann ich roof zu diah, oh Hah, mei Felsa, dray nett en dawb oah zu miah; fa vann du shtill bleibsht, dann vatt ich vi selli es nunnah in's grawb gayn.

Psalm 83:1

Oh Gott, hald nett oh ruich sei; bleib nett shtill un ruich, oh Gott.

5. Mosi 10:21

Preiset een; eah is eiyah Gott es selli grohsi un shreklichi sacha gedu hott fa eich es diah ksenna hend mitt eiyah awwa.

Jeremia 17:14

Hayl mich, oh Hah, no binn ich kayld; helf miah, no greeyich hilf, fa du bisht sellah es ich lohb.

2. Mosi 15:2

Da Hah gebt miah grefta, un macht mich singa. Eah macht mich saylich. Eah is mei Gott, un ich vill eem lohb gevva, eah is mei faddah sei Gott, un ich hayb een hohch uf.

Jesoiya 42:14

“Fa en langi zeit habb ich nix ksawt; ich voah shtill un habb mich zrikk kohva. Avvah nau, vi en veibsmensh am en kind havva, greish ich naus, un zeek ei fa luft.

Psalm 118:28

Du bisht mei Gott, un ich gebb diah dank; du bisht mei Gott, un ich hayb dich hohch uf.

Psalm 83:2

Gukk moll, dei feinda macha en ufruah, un selli es dich hassa hayva iahra kebb uf.