4 Fa dei shtandhaftichi-leevi langd nuff ovvich da himmel, un dei voahheit biss an di volka.
Fasell vill ich dich danka, oh Hah, unnich di heida; un dei nohma lohva mitt singes.
Fa so hohch es da himmel is ovvich di eaht, so grohs is sei leevi fa selli es een firchta.
Da Hah is hohch ivvah awl di heida, sei hallichkeit is ovvich di himla.
Dei shtandhaftichi-leevi, oh Hah, langd nuff in da himmel, un dei voahheit biss nuff an di volka.
Leevi un voahheit kumma zammah; gerechtichkeit un fridda kissa nannah.
Ich habb ksawt, “Dei shtandhaftichi-leevi shtayt fa'immah un dei shtandhaftichkeit is so fesht es da himmel selvaht.”
Di himla preisa dei vundahra, oh Hah, un dei shtandhaftichkeit in di fasamling funn di heilicha.
“Vi di himla haychah sinn es di eaht, so sinn mei vayya haychah es eiyah vayya, un mei gedanka es eiyah gedanka.
