12 Gebb uns hilf geyyich unsah feinda, fa di hilf fumm mensh is nix veaht.
Miah henn ohkalda gukka fa hilf, biss unsah awwa nimmi sayna henn kenna. Miah henn ohkalda voahra un vatsha fa en folk es uns nett helfa hott kenna.
Di Egyptah sinn yusht mensha un nett Gott, iahra geil sinn yusht flaysh un nett geisht. Vann da Hah sei hand naus shtrekt, dann shtolbahra selli es helfa, un aw selli es kolfa sinn zayla falla. Si kumma awl zvay zu iahra end.
So heahret uf eiyah fadrauwa in da mensh du, deah es yusht en ohften in di naws is. Vass is eah veaht?
“Ich habb so shtoft shund oft keaht; diah sind oahrichi drayshtah.
Gott dutt sei zann nett zrikk hayva, di helfah fumm Rahab missa sich beeya unnich sei fees.
