2 Singet zu eem, un lohvet een, sawwet veyyich awl sei vundahboahri verka!
Mach mich da vayk funn dei adnunga fashtay, no hald ich oh denka an dei vundahra.
Singet lohb zumm Hah mitt di harfa, mitt di harfa, un singet mitt eiyah shtimma.
Ich zayl ivvah awl dei verka denka, un zayl zrikk denka an awl dei kshefta.
Singet en nei leet zumm Hah, fa eah hott vundahboahri sacha gedu; Sei rechtsi hand un heilichah oahm henn di ivvah-hand grikt fa een.
Famohnet nannah mitt psaltah, lohb-leedah un geishtlichi leedah; singet un lohvet da Hah in eiyah hatza.
Heichet, diah kaynicha, heichet ab diah feddahshti, ich zayl singa zumm Hah, ich zayl singa, ich zayl shpeela un da Hah preisa, da Gott funn Israel.
Shpaydah vann dei boo dich frohkt, ‘Vass is dess?’ solsht du sawwa zu eem, ‘Mitt en mechtichi hand hott da Hah uns aus Egypta, un aus gnechtheit gebrocht.
Dei vayya, oh Gott, sinn heilich. Vo is en gott es so mechtich is vi unsah Gott?
