Psalm 104:24 - Pennsylvania Dutch Bible

²⁴ Oh Hah, vi feel sinn dei verka, in dei veisheit hosht du si awl gmacht. Di eaht is foll mitt dei levendichi sacha.

Psalm 104:24 交叉參考

Jeremia 10:12

Gott hott di eaht gmacht mitt sei graft; eah hott di veld gmacht deich sei veisheit, un di himla deich sei fashtand.

Psalm 40:5

Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.

Epheser 3:10

so es deich di gmay, di himlishi rulahs un ivvah-saynah nau bekand gmacht vadda kenna mitt Gott sei veisheit vo sich veist in mannichi vayya.

Psalm 107:31

Loss si da Hah danka fa sei shtandhaftichi-leevi, fa di vundahboahra sacha es eah dutt zu di mensha-kinnah.

Psalm 24:1

Di eaht is em Hah seini, un alles es drinn is. Di veld un awl selli es drinn voona sinn sei.

Psalm 136:5

deah es mitt veisheit di himla gmacht hott, fa sei shtandhaftichi-leevi bleibt ayvichlich;

Psalm 8:3

Vann ich ivvah di sacha denk funn dei himla, di eahvet funn dei fingah, da moon un di shtanna es du kshaffa hosht,

Nehemia 9:6

Du laynich bisht da Hah. Du hosht da himmel gmacht, da haychsht himmel mitt awl sei shtanna, di eaht un alles es drinn is, da say un alles es drinn is. Du gebsht layva zu alles, un di mechticha im himmel bayda dich oh.

Epheser 1:8

dess vass eah reichlich zu uns gevva hott mitt alli veisheit un eisicht.

1. Mosi 1:31

Un Gott hott alles ksenna es eah gmacht hott, un's voah oahrich goot. Un's voah ohvets un meiyets, da sext dawk.

Hiob 5:9

Eah dutt grohsi un unbegreiflichi sacha, vundahra es nett gezayld sei kenna.

1. Timotheus 6:17

Lann selli vo reich sinn in deahra veld fa nett grohs-feelich sei, un fa iahra hofning nett in dee fagenglichi reichheit du, avvah in Gott, deah vo uns reichlich alles gebt fa unsah blesiah.

Psalm 65:11

Du krohnsht's yoah mitt dei goodi eahn; datt vo du fabei kfoahra bisht sinn feel goodi sacha.

Psalm 92:6

En unksheidah mensh vayst dess nett, un en dummah mensh fashtayt's nett,

Psalm 107:24

Si henn em Hah sei eahvet ksenna, un sei vundahboahri verka uf em say.

Psalm 148:7

Lohvet da Hah uf di eaht, diah valfish un alles deefes,