30 Avvah deich mannichi yoahra voahsht du geduldich mitt eena. Bei dei Geisht hosht du si famohnd deich dei brofayda, avvah si henn dess fa'acht. So hosht du si ivvah-gedrayt zu di leit funn anri lendah.
Da kaynich funn Assyria hott di leit funn Israel vekk noch Assyria gnumma. Eah hott dayl in di shtatt Halah gedu, dayl in di shtatt Habor, dayl am Gosan Revvah nohch un aw dayl in di shtett funn di Medah leit.
Avvah si henn nett keicht, un henn sich geyyich dich kshteld; si henn dei ksetz hinnich sich gedu. Si henn di brofayda doht gmacht es si famohnd katt henn, so es si zrikk drayya zu diah; un si henn veesht gleshtaht.
Du hosht si famohnd es si zrikk drayya sella zu dei ksetz. Avvah si voahra shtols un henn dei gebodda nett keicht. Si henn ksindicht geyyich dei adninga, selli es da mensh macht layva havva vann eah si dutt. Avvah si henn iahra shuldah kshteibaht, henn iahra hals shteif gmacht un henn nett keicht.
Fa fatzich yoah voahrich bedreebt un gedruvveld mitt selli leit, un ich habb ksawt, “Si sinn leit mitt hatza es iahra ayknah vayk vella, un si doon's nett fa mei vayk nohch gay.”
Eah sawkt, ‘Du dess un du sell, du dess un du sell, un macht adning noch adning, un adning noch adning, bissel do un bissel datt, bissel do un bissel datt.’”
Veah hott da Jakob ivvah-gedrayt fa kshtohla vadda, adda veah hott Israel zu di rawvah gevva? Voah's nett da Hah, deah es miah ksindicht henn digeyya? Si sinn nett in sei vayya gloffa, un henn sei ksetz nett kalda.
Vo da Hah di ungettlicha sacha es diah am du voahret nimmi shtenda hott kenna, un awl's grausam sach es diah gedu hend, dann is eiyah land faflucht vadda un en veeshtah blatz vadda es nimmand drinn gvoond hott, so vi's heit is.
Avvah si henn mich nett abkeicht un mich nett acht katt. Si sinn nett vekk gedrayt funn iahra ungettlichkeit un henn aw nett ufkeaht opfahra brenna zu anri gettah.
Da Hah hott gedu vass eah im sinn katt hott; eah hott sei vatt ausgedrawwa es eah lang zrikk gebodda katt hott. Eah hott dich nunnah kshmissa unni bamhatzichkeit; eah hott dei feinda glost sich froiya ivvah dich, un hott iahra macht noch shteikah gmacht.
Miah henn dei gnechta di brofayda nett abkeicht—dee es kshvetzt henn in dei nohma zu unsah kaynicha, un zu unsah evvahshti un foah-feddah un di leit im land.
Si henn iahra hatza hatt gmacht vi flint-shtay so es si's ksetz un di vadda fumm Awlmechtich Hah nett heahra henn kenna es eah kshikt hott bei seim Geisht deich di brofayda eahshtah. Fasell is grohsah zann kumma fumm Awlmechtich Hah.
Zvay mennah es Eldad un Medad kaysa henn sinn in di camp geblivva. Si voahra unnich di eldishti es nunnah kshrivva voahra, avvah si sinn nett naus ganga an da tent. Doch is da Geisht aw uf si kumma, un si henn gebroffetzeit diveil es si in di camp voahra.
Un vo si nett aynich vadda sinn unnich nannah sinn si vekk ganga. Da Paulus hott noch dess ksawt zu eena, “Da Heilich Geisht hott recht ksawt deich da brofayt Jesaia, zu unsah foah-feddah,
Diah sind dikk-kebbich un eiyah hatza un oahra sinn nett bekeaht. Diah doond immah shaffa geyyich da Heilich Geisht; so vi eiyah foah-feddah henn, so doond diah.
Adda guksht du nunnah uf di reichheit funn sei goot-maynichkeit un geduld? Vaysht du nett es di goot-maynichkeit funn Gott dich an da blatz fiahra sett es du boos dusht?
Si henn nohch ksucht fa broviahra ausfinna vann, un vass fa zeit es gmaynd voah bei em Geisht funn Christus vo in eena voah, vo eah's leides funn Christus foah-ksawt hott, un aw di hallichkeit vass nohch kumd.
Fa kenn Vatt es broffetzeit, is selayva kumma deich da villa funn mensha, avvah heilichi mennah funn Gott henn kshvetzt vi si gedrivva voahra bei em Heilicha Geisht.
Da Hah is nett shloh mitt vass eah fashprecht, so vi dayl leit shloh fashtayn. Avvah eah is geduldich mitt uns, un vill nett havva es ennich ebbah faloahra gayt, avvah es alli-ebbah an da blatz kumd fa boos du.
