Micha 1:2 - Pennsylvania Dutch Bible

² Heichet, awl diah leit, heich, oh eaht un alles es drinn is. Gott da Hah zayld zeiya geyyich eich, da Hah funn sei heilichah tempel.

Micha 1:2 交叉參考

Jesoiya 1:2

Heichet ab, diah himla un eaht! Fa da Hah hott kshvetzt: “Ich habb kinnah ufgezowwa un si kolfa ufvaxa, avvah si henn sich geyyich mich kshteld.

Psalm 11:4

Da Hah is in sei heilichah tempel; em Hah sei kaynich-shtool is im himmel. Sei awwa sayna, mitt sei awwa uf broviaht eah di kinnah funn mensha aus.

Di Offenbarung 3:22

Deah vo en oah hott, loss een heahra vass da Geisht sawkt zu di gmayna.’”

Di Offenbarung 3:13

Deah vo en oah hott, loss een heahra vass da Geisht sawkt zu di gmayna.’

Di Offenbarung 2:7

Deah vo en oah hott, loss een heahra vass da Geisht sawkt zu di gmayna. Deah vo aushaybt un alles ivvah-kumd, zu eem gebb ich zu essa fumm bohm funn layva es in di mitt fumm Paradees funn Gott shtayt.’

Maleachi 3:5

“No kumm ich zu eich fa eich richta. Un ich zayl shnell zeiya geyyich di zaubahrah, di aybrechah, un geyyich di falshi zeiyah, un geyyich selli es da lohn zrikk hayva funn iahra gnechta, un selli es di vitt-veivah, di kinnah unni eldra un di fremda nunnah dredda—dee es kenn furcht henn funn miah,” sawkt da Awlmechtich Hah.

Habakuk 2:20

Avvah da Hah is in seim heilicha tempel; loss di gans eaht shtill sei fannich eem.”

Jona 2:7

Vo mei layva am aus miah gay voah, habb ich an da Hah gedenkt, un mei gebayt is zu diah kumma, zu deim heilicha tempel.

Jeremia 22:29

Oh land, land, land, heich zumm vatt fumm Hah!

Psalm 50:7

“Heichet mich ab, mei leit, un losset mich shvetza, oh Israel, ich zeik geyyich dich, ich binn Gott, dei Gott.

Di Offenbarung 3:6

Deah vo en oah hott, loss een heahra vass da Geisht sawkt zu di gmayna.’

Di Offenbarung 2:29

Deah vo en oah hott, loss een heahra vass da Geisht sawkt zu di gmayna.’”

Di Offenbarung 2:17

Deah vo en oah hott, loss een heahra vass da Geisht sawkt zu di gmayna. Zu demm vo aushaybt un alles ivvah-kumd gevvich fumm fashtekkelda manna, un ich gebb eem en veisah shtay, mitt en neiyah nohma druff kshrivva. Un nimmand vayst sellah nohma vi yusht sellah vo en grikt.’

Di Offenbarung 2:11

Deah vo en oah hott, loss een heahra vass da Geisht sawkt zu di gmayna. Deah vo aushaybt un ivvah-kumd soll nett vay gedu sei bei em zvedda doht.’

Maleachi 2:14

Diah frohwet, “Favass nemd eah dee nimmi oh?” 'Sis veil da Hah en zeiknis voah zumm bund zvishich diah un di fraw es du keiyaht hosht vo du yung voahsht, dee es du nau da bund gebrocha hosht mitt. See voah dei mitt-helfah, un di fraw es du gnumma hosht mitt en bund.

Jeremia 29:23

Fa si henn shreklichi sacha gedu in Israel; si henn huahrahrei gedrivva mitt di veivah funn iahra nochbahra un henn leeya ksawt in meim nohma es ich eena nett ksawt habb. Ich vays dess veil ich's ksenna habb,” sawkt da Hah.

Jeremia 6:19

Heich mich ab, oh eaht: Ich zayl evil uf dee leit bringa, dess is da shtrohf fa iahra shkeems, veil si mei vadda nett abkeicht henn, un mei ksetz nunnah gedrayt henn.

Psalm 50:12

Vann ich hungahrich veah, dayt ich diah's nett sawwa, fa di veld is mei, un alles es drinn is.

Psalm 50:1

Da Awlmechtich Gott, da Hah, shvetzt, un rooft di eaht, fumm blatz es di sunn ufkumd, biss an da blatz es si unnah gayt.

Psalm 28:2

Heich mich am roofa fa bamhatzichkeit vi ich dich frohk fa hilf, un diveil es ich mei hend uf hayb geyyich deim Alli-Heilichshta Blatz.

Psalm 24:1

Di eaht is em Hah seini, un alles es drinn is. Di veld un awl selli es drinn voona sinn sei.

5. Mosi 32:1

Heichet, oh himla, ich zayl shvetza; loss di eaht di vadda funn mei maul heahra.

Richtah 11:10

Di eldishti funn Gilead henn ksawt, “Da Hah is unsah zeiya; miah zayla du vi du sawksht.”

1. Kaynicha 22:28

Da Micha hott no ksawt, “Vann du zrikk kumsht in fridda, dann hott da Hah nett kshvetzt deich mich.” No hott eah ksawt, “Meiket mei vadda, diah leit!”

2. Chronik 18:27

Da Micha hott no ksawt, “Vann du zrikk kumsht in fridda, dann hott da Hah nett kshvetzt deich mich.” No hott eah ksawt, “Meiket mei vadda, diah leit!”

Jesoiya 18:3

Awl diah leit funn di veld, diah es uf di eaht voonet, vann en sign uf gedu vatt uf di berga, dann saynet diah si. Vann en blohs-hann blohst, dann heahret diah's.

Jesoiya 50:7

Veil Gott da Hah miah helft, dann binn ich nett fashohmd. Fasell habb ich mei ksicht ksetzt vi en flint-shtay, un ich vays es ich nett fashohmd vatt.

Jeremia 42:5

No henn si ksawt zumm Jeremia, “Loss da Hah en shtandhaftichah un en voahhaftichah zeiya geyyich uns sei vann miah nett alles doon es da Hah dei Gott diah sawkt fa uns sawwa.

Shpricha 8:4

“Zu eich, oh mennah, roof ich naus, un greish naus zu alli-ebbah.

Jona 2:8

Dee vo sich ufhalda mitt leahri gettah, falossa di gnawt vo iahra sei kend.