Matthäus 5:39 - Pennsylvania Dutch Bible

³⁹ Avvah ich sawk eich; diah sellet nett zrikk fechta geyyich en evilah mensh. Vann ebbah eich uf da rechts bakka shlakt, sellet diah da annah bakka aw annah hayva.

Matthäus 5:39 交叉參考

1. Thessalonicher 5:15

Saynet ditzu es nimmand evil zrikk betzawld mitt evil, avvah gukket immah fa goot du zu nannah un zu alli-ebbah.

1. Petrus 3:9

Betzawlet nett zrikk evil fa evil adda baysi vadda mitt baysi vadda, avvah sayknet nannah. Fa diah visset es dess is vass diah groofa sind ditzu, so es diah en sayya greeyet.

Shpricha 20:22

Sawk nett, “Ich zayl evil zrikk betzawla.” Voaht uf da Hah, un eah zayld diah helfa.

Glawk-Leedah 3:30

Eah sett sich uf da bakka shlauwa lossa, un's ohnemma vann eah faniddaht vatt.

3. Mosi 19:18

Du solsht nett zrikk betzawla adda en hass hayva geyyich ennichs funn dei leit, avvah du solsht dei nochbah leeva vi dich selvaht. Ich binn da Hah.

Shpricha 24:29

Sawk nett, “Ich zayl du zu eem vi eah gedu hott zu miah; ich zayl een zrikk betzawla fa vass eah gedu hott.”

Jesoiya 50:6

Ich habb mei bukkel zu selli gedrayt es mich fashlauwa henn, un mei bakka zu selli es mei boaht grobt henn. Ich habb mei ksicht nett vekk gedrayt funn selli es mich fashpott un fashpautzt henn.

1. Korinther 6:7

Nannah in di courts nemma is en grohsah faylah mitt eich. Favass nett yusht leevah's ohnemma vann's eich letz gedu vatt? Vann diah grawbt vaddet, favass nett yusht's ohnemma?

Jakobus 5:6

Diah hend deah vo gerecht voah fadamd un doht gmacht, un eah hott sich nett gveaht geyyich eich.

Hiob 16:10

Leit macha iahra maul uf un shvetza geyyich mich; si shlauwa mich uf da bakka; si gayn zammah fa geyyich mich shaffa.

Hebräer 12:4

In eiyah shtreit geyyich di sind hend diah eich noch nett gveaht biss es an's bloot kumma is.

Lukas 22:64

Si henn eem di awwa zu gebunna, in's ksicht kshlauwa un henn ksawt, “Brofayt, sawk uns veah dich kshlauwa hott.”

1. Kaynicha 22:24

No is em Kenaena sei boo, da Zedekia, nuff ganga un hott em Micha uf da bakka kshlauwa, un hott ksawt, “Vee is em Hah sei geisht aus miah ganga fa shvetza zu diah?”

Micha 5:1

Nau geddah dei greeks-gnechta zammah, du dochtah funn Zion; si henn uns umringd. Mitt en root shlauwa si da richtah funn Israel uf da bakka.

Matthäus 5:40

Vann ennich ebbah dich in di court nemma vill, un vill dei hemm nemma, gebb eem dei vammes aw.

Lukas 6:7

Un di shrift-geleahrah un di Pharisayah henn een gvatsht fa sayna eb eah een hayla zayld uf em Sabbat-Dawk, so es si ebbes geyyich een hayva kenna.

Johannes 18:23

Jesus hott ksawt zu eem, “Vann ich ebbes letzes ksawt habb, sawk miah vass es is. Avvah vann ich rechti sacha ksawt habb, favass shlaksht du mich?”