Joshua 24:8 - Pennsylvania Dutch Bible

⁸ No havvich eich in's land funn di Amoriddah uf di annah seit fumm Jordan gebrocht. Si henn kfochta mitt eich, avvah ich habb si in eiyah hend gevva. Ich habb si umgebrocht so es diah iahra land ivvah-nemma hend kenna.

Joshua 24:8 交叉參考

Nehemia 9:22

Du hosht eena kaynich-reicha un heida-lendah gevva, even lendah zu di veitshta ekkah. Si henn's land ivvah-gnumma fumm Sihon, da kaynich funn Hesbon, un's land fumm Og, da kaynich funn Basan.

2. Mosi 23:23

Mei engel zayld fannich diah heah gay un dich in's land funn di Amoriddah, di Hethiddah, Pheresiddah, di Kanaaniddah, di Heffiddah un di Jebusiddah bringa. Un ich zayl si gans zu nix bringa.

Amos 2:10

Ich habb eich ruff aus Egypta gebrocht, un habb eich fatzich yoah kfiaht in di vildahnis, so es diah's Amoriddah land ivvah-nemma hend kenna.

Amos 2:9

Ich habb di Amoriddah ausgrivva fannich eena, even vann si so hohch voahra es di cedar-baym un so shteik es di aycha-baym. Ich habb iahra frucht fadauva ovva droh, un iahra vatzla unna droh.

5. Mosi 2:32

Vo da Sihon raus kumma is mitt awl sei greeks-leit fa uns fechta an Jahza,

Joshua 13:10

Es nemd aw awl di shtett ei fumm Sihon, da kaynich funn di Amoriddah es an Hesbon gvoond hott, biss nivvah an di lein mitt di kinnah fumm Ammon.