32 Un alli-ebbah es da nohma fumm Hah ohrooft, zayld saylich vadda; fa uf em Berg Zion un in Jerusalem zayla selli sei es frei gmacht sinn, so vi da Hah ksawt hott, even unnich selli ivvahricha es da Hah rooft.”
Fa even vann dei leit sei zayla vi da sand am say nohch, oh Israel, yusht en glay dayl zayld zrikk kumma. Dei fadeahvung is auskshprocha, un dess in gerechtichkeit.
In sellem dawk zayld da Hah viddah's zvett mohl sei hand naus langa, un zayld sei leit ohnemma es ivvahrich sinn— selli funn Assyria, Egypta, Pathros, Kush Elam, Shinar, Hamath, un selli es funn di islands fumm say sinn.
Dess is vass da Hah sawkt: “Singet mitt frayt fa da Jakob; greishet fa's evvahsht land funn awl di lendah. Singet, gevvet dank un sawwet, ‘Oh Hah, helf dei leit, selli es ivvahrich sinn funn Israel.’
Gukket moll, di awwa fumm Awlmechticha Hah sinn uf em sindlich kaynich-reich. Ich zayl's folshtendich zu nix bringa uf di gans eaht— avvah ich zayl em Jakob sei nohch-kummashaft nett gans zu nix bringa.” Dess sawkt da Hah.
Avvah uf em Berg Zion zayla samm ivvahrich bleiva; da berg zayld heilich sei. Em Jakob sei leit zayla iahra land zrikk greeya; si greeya zrikk vass zu eena heaht.
Fasell zayld eah Israel ufgevva zu iahra feinda, biss di fraw es am en kind havva is, iahra kind hott. No zayla di ivvahricha funn sei breedah viddah zrikk zu di Kinnah-Israel kumma.
Dess driddel dayl zayl ich deich's feiyah du, un's reinicha vi ma silvah shmelst un's reinich macht, un aw vi gold greinicht vatt. Si zayla mei nohma ohroofa, un ich gebb eena andvat. Ich zayl sawwa, ‘Si sinn mei leit,’ un si sawwa, ‘Da Hah is unsah Gott.’”
Da Jesaia rooft aw naus veyyich Israel, un sawkt, “Even vann da nambah funn di Kinnah-Israel is vi da sand fumm say, yusht en glay dayl funn eena zayla saylich vadda.
zu di gmay Gottes in di shtatt Korinth, zu selli vo heilich gmacht sinn deich Jesus Christus un raus groofa sinn fa heilich sei, mitt awl selli ivvahrawlich vo da nohma funn unsah Hah Jesus Christus ohroofa—iahra Hah un aw unsahrah.
